Höfðingjar Borgarinnar

Loksins á sextugsaldri

2008-09-14T21:47:00.002Z

Halló elskurnar

Ég átti mjög ánægjulega helgi í bústað í Svignaskarði með börnum (mínus Árna Viggó ) og mökum þeirra, barnabörnum og auðvitað mínum heittelskaða um þessa afmælishelgi. Nína mín birtist, allavega mér, að óvörum sem var BARA gaman.Mig langar að vita hvað ykkur finnst um fyrirhugaðan hitting ættmenna okkar næsta sumar.Haldiði að þetta geti ekki bara orðið gaman ? Vona svo að þið hafið það gott, Ísak minn, hlakka til að fá myndir frá þér þegar þú hefur tíma og ég tala nú ekki um að fá frá þér afmælisgjöfina. Fullt af kossum og knúsum frá Dísu. Ísak ég verð bara að segja þér að Kristín mín var EKKI rekin úr skátunum, ég hef allavega ekki heyrt það nema frá þér.Hvar heyrðir þú það ? Bless elskurnar mínar, Dísamamma

Sælt veri fólkið

2008-07-01T10:19:00.001Z

Nú sit ég hér með morgunmatinn minn fyrir framan mig og fyrir augunum hef ég gamalkunna sjón. Áshildarholtsvatnið úfið í norðanátt. Það er að hluta orðið rautt af gróðri og það rifjast upp fyrir mér þegar Þorgeir brunaði á slöngubátnum sínum yfir vatnið og sló gróðurinn í leiðinni með skrúfunni á mótornum. Líka þegar Signý Ósk „týndist“ þegar hún var lítil rófa í pössun hjá okkur. Við mamma vorum auðvitað skíthræddar um að hún hefði farið í vatnið, öskruðum okkur hásar í þeirri veiku von að hún svararði eða kæmi. Sem hún gerði ekki. Eftir að við mæðgur höfðum hlaupið nokkra móðursýkislega hringi í örvæntingarfullri leit að barninu birtist Signý skyndilega í kofadyrunum og spyr sallaróleg hvort að við höfum kallað. Seint gleymi ég líka deginum sem bílskúrshurðin sprakk, dótið hennar Þóru gömlu sogaðist í sjóinn og Álfur í Brennigerði húfunni sinni. En það var nú í sunnanátt.

Sennilega gæti ég skrifað niður minningar héðan í allan dag en það væri varla skemmtilegt aflestrar fyrir ykkur hin.

Upphaflega ætlaði ég nú bara að segja að ég er komin í sumarfrí. Já, alvöru sumarfrí í heilan mánuð (reyndar ekki á neinum launum - en hvaða máli skiptir það). Hef samt örlitlar áhyggjur því að í dag er útborgunardagur og síðustu nótt dreymdi mig útborgunina. Hún var rétt rúmar 80.000 kr. Ég ætla rétt að vona að hún sé nú aðeins hærri.

P.s. Hvernig er með hitting þetta sumarið?

Hvílík blíða......

2008-06-22T21:58:00.002Z

Takk Kristín mín fyrir að sýna smá lit....En talandi um lit, þá erum við Kristófer Örn búin að vera í sundi og sól alla helgina, þvílík rjómablíða, vona að þið hin hafið notið hennar líka.Ég fékk að hafa hann um helgina og það var að venju yndislegt.... þó að hann væri svolítið erfiður við mig í sambandi við mat.En það er fljótt að gleymast.Mig langar til að benda ykkur, kæru ættingjar, á að við höfum sett á stofn ( vissi ekki alveg hvernig ég átti að orða þetta, þið megið alveg finna að orðalaginu ef þið viljið ........) bloggsíðu.....sumarhusspani.bloggar.is, ef ykkur skyldi langa til að sjá myndir af húsinu okkar á Spáni, það væri ekki verra ef þið vektuð athygli á síðunni, ef þið vitið um einhvern sem vantar hús á Spáni, til langs eða stutts tíma.( Var þetta rétt orðað ...langs eða stutts....er ekki viss, þið getið kannski sagt til um það ????? ) Ég veit ekki hvort þið hafið gert ykkur grein fyrir því hvers vegna ég er að leita ráða hjá ykkur, elskurnar mínar, með rétt orðaval,en það er eingöngu vegna þess að ég held að það sé eina leiðin til að fá ykkur til að láta í ykkur heyra á þessari síðu þar sem þið haldið öll að þið séuð sérfræðingar í íslensku, eins og reyndar bara við öll í þessari frábæru fjölskyldu.
.Ég verð að segja ykkur hvað ég upplifði furðulegan hlut, eða hvað ég á að kalla það, í gærkvöldi...ég var sem sagt að fara að sofa en samt ekki sofnuð, eða ég held ekki, þegar ég sá allt í einu fyrir mér 2 hvíta frekar litla krossa,og svo kom svona daufur ljósbjarmi yfir þá, og svo hvarf þetta.Ég get ekki hætt að hugsa um þetta, og VEIT að þetta þýðir eitthvað. En jæja elskurnar mínar.Við hjónin erum að fara í útilegu með vinnunni hans Sigurjóns um næstu helgi, og þar sem við eigum ekki neitt til að sofa í , ætlar nágranni okkar og vinur , sem á allt nema konu, ( held samt að hann sé ekki neitt sérstaklega hamingjusamur) að lána okkur hjólhýsið sitt, hugsið ykkur !!! Ekkert mál , sagði hann þegar hann bauð okkur þetta, hreint ótrúlegur maður.Gott að eiga góða vini.En ég er samt hryllilega spæld vegna þess að akkúrat um þessa helgi er fótboltamót hjá Kristó mínum, í Borgarnesi, sem ég var búin að lofa honum að koma á, en verð svo að svíkja, sem mér finnst mjög leiðinlegt. Jæja elskurnar mínar eins og alltaf vona ég að þið verðið dugleg að láta í ykkur heyra ....eins og hingað til......en annars hver átti hugmyndina að þessari síðu?... það væri nú bara gaman að hann léti í sér heyra.....hummmmmm. Bless elskurnar mínar allar, litlar og stórar ( HA....stórar)feitar(HA... feitar) og mjóar...ykkar Dísamamma.Vona að þið fyrirgefið mér bullið í mér.... held bara að þetta séu einhver rithöfunda gen sem brjótast svona út,HA,HA,HA,HA,HA.

Þið eruð yndisleg !!!!!!!!!!!!!!!!!

2008-06-06T23:47:00.002Z

Halló þið yndisleg
Þar sem ég hafði ekkert sérstakt að gera í kvöld, var ein heima ( aldrei þessu vant, eða þannig )þá álpaðist ég inn á þetta algjörlega frábæra blogg okkar. Síðustu 1 - 2 tímana er ég búin að vera að lesa gamalt blogg...... og eins og ég sagði við Signýju okkar, sem átti 20 ára afmæli í gær, að þessi lestur kom út á mér tárum og reyndar líka hlátri, á morgun ætla ég svo að prenta þetta allt út, bara svo að það tapist ekki , því að þetta eru hreinir gullmolar á köflum......EN elskurnar mínar það sem mér finnst samt merkilegast af öllu.... er hvað við ölll erum sammála um að halda saman,ég á ekki til eitt einasta orð yfir það hvað ég er glöð með það hvað þið eruð viljug að hittast.Ég veit þið trúið ekki hvað mig langar að þetta blogg verði svolítið virkt, en það virðist bara enginn hafa neinn áhuga á því. Eða hvað ??????????????????????????????????????????? En ég vona samt að við höldum áfram að vera svona umhugað um hvert annað.Ég er ennþá alsæl með Spánarferðina okkar, æji ég veit að ég er væluskjóða en þessi ferð var besta afmælisgjöf sem börnin mín og þeirra fylgifiskar gátu gefið mér.En vona að ykkur gangi öllum vel í lífinu og öllu ykkar brölti.........Hildigunnur mín velkomin í fjölskylduna.Ykkar Dísamamma

Fjölskylduferð

2008-06-02T21:11:00.002Z

Halló elskurnar mínar
Jæja, nú erum við flest komin heim úr afskaplega vel heppnaðri ferð til Spánar.Þetta er viðburður sem seint gleymist, alla vega hjá mér.Fyrir utan helvíts innbrotið !!!!! En ekki fer maður að láta það eftir glæpamönnunum að láta það skemma fyrir.Nei, þetta var BARA frábært og ég væri alveg til í að endurtaka þetta eftir 2-3 ár, eða verða ekki allir búnir að safna þá ?Við fórum norður um helgina, vorum að taka allt persónulegt ú Freyjugötunni og ætlum svo að reyna að leigja hana...svo ef þið vitið um gott fólk sem vantar íbúð þá látið okkur vita.Annars er bara allt gott að frétta af okkur og vona að svo sé líka hjá ykkur.Mig langar svo til að þið séuð dugleg að segja fréttir af ykkur hér, en ég er svo sem orðin úrkula vonar ( segir maður þetta svona ?) um að sú ósk rætist. En elskurnar mínar vona bara að þið hafið það öll gott og hlakka til að sjá ykkur hvenær sem það nú verður.Ást ást, ykkar Dísamamma

Ha, ha

2008-05-08T22:09:00.004Z

Ef þið farið aldrei á þetta blogg þá er það bara ykkar tap, þið vitið ekki hvað ég ætla að vera með í matinn, ha,ha,ha, gott á ykkur.Það er að segja ef þið eruð í Rvík. Ástarkveðja, yndin mín. Dísamamma

Ha,ha,ha

2008-05-08T22:09:00.001Z

´matur annað kvöld

2008-05-08T22:04:00.002Z

Hæ, dúllurnar mínar
Ef þið eruð í Rvík um kvöldmatarleytið föstudaginn 9.5. 2008 þá eruð þið velkomin í mat til Dísumömmu, bara svona heimilislegt.Vona svo bara að ykkur líði vel og sumarið leggist vel í ykkur.Ástarkveðja, Dísamamma

Það eru bara 2 vikur í Spán!!!!!!!!!!!!!!!!!!!!!!!!!!!!!!

matur annað kvöld

2008-05-08T22:03:00.000Z

gelðilegt sumar, kæru ættingjar

2008-04-24T19:16:00.002Z

Halló elskurnar mínar
Ég vildi bara segja gleðilegt sumar og takk fyrir veturinn. Vona að þið hafið það öll sem allra best í sumar og reyndar bara alltaf.Heyrumst og sjáumst !!!! Dísamamma

Ég gefst ekki upp !!!!!

2008-03-16T21:25:00.002Z

Sælt kæra skyldfólk !
Jæja hvað er nú að frétta af ykkur, elskurnar mínar ? Af mér er allt gott að frétta, við hjónin vorum að koma að norðan ( segir maður ekki AÐ ! )þar hittum við öll helstu fyrirmenni héraðsins, s.s. Kristmund, Hlíf, Guðrúnu Björgu og allt hennar hyski, meira að segja Sólu og hennar hyski,nú ég fór líka til Heiðbjartar, þó að ég sé hálf fúl við hana vegna þess að hún kemur aldrei til mín í öllum sínum höfuðborgarheimsóknum,en hún bætir það upp með því að bjóða mér í mat þegar ég kem norður, hún þekkir litlu systu sína,og veit hvernig hún á að bræða hennar kalda hjarta, en ekkert hitti ég af hennar hyski og síðast en alls ekki síst hitti ég ömmu Birnu sem er eins og flestir vita 102ja ára, hún er að rísa upp úr lungabólgu, og var nú frekar slöpp, þessi elska. Hún er alveg ótrúleg manneskja !!Veðrið var alveg með eindæmum gott og held ég að manni mínum hafi liðið frekar mikið illa að komast ekki til fjalla á sínum fjallafáki.En hann kvartaði ekki þessi elska.Ég var að tala við miðungann minn núna áðan, hann kemur í land á miðvikudagsmorgun í Hafnarfirði, Nína kemur svo á bifreiðinni suður um kvöldið. Ég hlakka ekkert smá til að hafa þau hjá mér, hef ekki séð snáðann síðan á afmælinu hans 1.1.08
Það væri nú gaman að fá að vita hvar þið, elskulega frændfólk, ætlið að eyða væntanlegum frídögum.Mikið var gaman að hitta Sólu mína og hennar fólk, Katrín orðin svo stór og hefur mannast svo mikið, og Sunna mín barasta orðin hálffullorðin held ég.Hitti líka Ragnheiði nokkra Petru sem var hálfdrusluleg, enda með hita og einhverja pest í sér. Jæja elskurnar mínar, vona að ég fái eitthvað af ykkur að frétta og vona bara að þið hafið það alltaf sem best. Ást, ást Dísamamma.

hææ

2008-03-01T21:11:00.005Z

sæl og blessuð jæja mamma er búin að ákveða að flitja á bifröst loxins.............oo nú er maður að hlusta á magna rókk gamalt og þarna var hann með sítt hár púff það fer honnum ekki vel ææ hvað það er nú nota legtt að vera bara í letti .........birjar maður að hlusta á gömul leiðinnleg lög þetta er laugi í beitnni hahahææ hvað þetta er skjemtilegtt ég var á fimleikamótti hvílík hepni ég var í firsta sætti það var gaman haha nú er ég hjá ömmu dísu við fórum á sleða og svo fórum við að borða brauð og svo erum við núna í letti ææ birjar kristófer að væla hann vill ekki fara að sofa en ég á ekki að fara að sofa strax ææ ég gleimtti að sega að kristófer hljóp á járn staunk og hann fjekk risa kúlu bíttu............áfram hamar búmbúrurum áfram hamar hahaha kjáni gjett ég verið jæja verð að fara að sofa bless bless.
sunneva björk

Halló frændlið

2008-02-29T17:03:00.002Z

Hæ elskurnar mínar
Jæja nú er ég mætt aftur, en eruð þið ekkert að láta í ykkur heyra hér? Við Signý erum að fara á Jesus Christ svo að ég læt í mér heyra seinna Dísamamma

Frændsystkina- og makamót í Smárhlíð 16F þann 10. nóv 2007!!!

2007-10-30T22:12:00.000Z

ÞÁ höfum við loksins komist að niðurstöðu um þetta blessaða mót. Þar sem karlinn minn er aldrei heima tek ég það að mér fyrir hönd okkar beggja að bjóða ykkur velkomin í okkar heimahús, Smárahlíð 16F 603 Akureyri ICELAND, þann 10. nóvember. Tímasetning er ekki heilög, því fyrr því betra.

Skilyrði fyrir inngöngu í þetta föngulega partý verður vel útþynnt blóð sökum ölvunar og sótsvartur húmor að hætti Ískas til dæmis, ..... allt kvöldið!

Við Kristín, sem nodabene á afmæli í dag, til hamingju með þinn háa en virðulega aldur ;) , höfum ákveðið það að það verði ekkert helvítis bras við eldamennsku. Því höfum við áveðið að best sé að panta bara flatbökur (þær passa líka svo asskoti vel við bjórinn). Gisting verður í boði okkar Akureyringanna, þ.e. okkar Árna og Ísaks, svo framanlega sem þið hagið ykkur skikkanlega! Annars hendi ég ykkur yfir til nágrannans hérna á móti. Hvernig gistingu verður raðað kemur í ljós, því það er ekki eins og að útpæld niðurröðun hennar Kristínar hér um árið hafi haldist :) Það fer sem sagt allt eftir aðstæðum og vöku virðulegra gesta, ekki satt!

Hvernig líst ykkur á þennan ráðahag?

Ákvörðun

2007-10-19T00:43:00.000Z

Gott kvöld, gott fólk.

Í tveimur síðustu færslum á þessu bloggi hafa komið upp ýmsar hugmyndir um samkomu afkomendanna og maka þeirra. Mér finnst að við þurfum að taka ákvörðun með sæmilegum fyrirvara og mér finnst umræðan beinast svolítið að norðinu.

Þurfum að hafa samband okkar á milli og gera eitthvað...er það ekki annars?

Hittingur?

2007-09-27T13:30:00.000Z

Jæja góða frændfólk. Ég hef reyndar grun um að það sé enginn að kíkja inn á þetta blogg. Tja nema ég, Hjörtur og Kristín. En það er líka kannski alveg nóg því að við erum að sjálfsögðu bestust. En allavega...

Nú hlýtur að vera að koma tími á systkynabarnamót eins og hann Hjörtur minntist á í síðustu færslu. Ég vil því ítreka ósk okkar bestustu (ég, Kristín og Hjörtur) um hugmyndir. Koma svo þið hljótið að geta látið ykkur detta eitthvað í hug.

Hjörturinn ritar

2007-09-17T14:55:00.000Z

Nú er ég mættur aftur til leiks á Íslandi eftir velheppnað ferðalag til Danmerkur og Svíþjóðar. Þegar við bræður lentum fórum við rakleitt í Kringluna að kaupa föt, hin voru öll óhrein. Eftir þann leiðangur fórum við til Hveragerðis að heimsækja fólkið okkar þar og fengum höfðinglegar móttökur frá Sunnevu og Kristófer sem voru yndisleg að vanda.

Um kvöldið flæktumst við Þorgeir ásamt Kristínu og Marra á milli húsa í götunni þeirra, vorum með dólgslæti og tókum út nágranna þeirra sem var hið besta fólk og fær góða dóma. Daginn eftir alla þessa gleði vaknaði ég mjög lerkaður og með gríðarlega hálsbólgu og hef verið fárveikur síðan. Í dag fór ég til læknis og hann vildi að ég borðaði 20 grömm af penslillíni á 10 dögum til að þetta lagaðist. Einnig uppgötvaði ég að verkjapillur gera lífið mun bærilegra þegar þetta lasleikaástand er viðvarandi og sennilega eina ástæðan fyrir því að ég hef rænu til að skrifa þessa færslu.

Við Kristín ræddum lítillega um frændsystkinamót og þó að það sé nú kannski ekki alveg handan við hornið væri nú gaman að ræða málin eitthvað, koma með tillögur og svona. Ég ætla að byrja á því fljótlega að viða að mér einhverju skemmtiefni og leikjum sem hæfa svona fólki einsog við erum og bera það undir ykkur hin þegar á líður.

Vona að öllum líði vel og þið séuð spræk.

Hjörtur.

Til hamingju öll með nýju flottu frænkuna.

2007-08-09T21:21:00.000Z

Það var nú bara allt sem mig langaði að segja.

Svo langaði mig líka að setja inn eina mynd af sætum táslum, sem fyrir hreina tilviljun tilheyra Þóru nýju frænku.

Hae tid

2007-05-14T03:25:00.000Z

Tid erud nu meiri letingjarnir! Eg skrifa og skrifa hedan i Thailandi en tad kemur ekkert nytt a Hofdingjana. Disa min reynir allavega ad halda lifinu i tessu. Takk fyrir tad elsku Disa.

Nu kem eg bradum heim a klakann og er ad hugsa um ad kikja adeins a Nordurlandid til ad byrja med. Eg verd nu ad fa ad sja hann Kubb litla ;)

Se ykkur oll somul bradum.

Kvedja, Sigurbjorg.

Hæ letingjar

2007-04-26T18:41:00.000Z

Komiði sæl, mig langar bara að vekja athygli ykkar á bloggsíðu Sigurbjargar, sibson.blogspot.com,( held að þetta sé rétt hjá mér ) þar sem við getum fylgst með ferðalaginu þeirra skötuhjúa.Er svo ekki bara ekki allt gott að frétta ? Nína er komin með merkistitil, sem sagt Nína móðursystir, Árni Viggó búinn að fá pláss á Málmey í júní og júlí, Signý að verða búin í skólanum, veit ekki hvernig staðan er hjá Kristínu.En við Sunneva áttum saman yndislega daga hér um daginn þegar ég fékk að hafa hana í marga daga og svo komu Kristófer, Kristín og Sigurjón um síðustu helgi.Sigurjón kom á Súbba gamla, sem gafst svo upp rétt hjá skíðalyftuafleggjaranum, svo að ég " lánaði " honum Ravinn suður svo að nú er ég bíllaus og finnst það bara allt í lagi, nema að ég sé gömlu hjónin min ekki eins oft og áður.Nú er komið sumar eða það held ég allavega er spáin rosalega góð næstu daga. Jæja elskurnar mínar,vona ða þið hafið það sem allra best og gangi ykkur vel þið sem eruð að púla í prófum og öðru skólatengdu. Bless Dísamamma

hæ hó

2007-04-13T09:49:00.000Z

Komiði sæl
Í gærkvöldi fékk rosa góðar fréttir, Sunneva mín ætlar að koma til ömmu um helgina, það er svo langt síðan ég hef haft hana útaf fyrir mig, þá bröllum við nú ýmislegt saman.Nú er ég búin að afhenda uppsagnarbréfið mitt í vinnunni, svo að nú er ekki aftur snúið, enda er það ekkert á döfinni. Ég átti yndislega páska, var með Kristófer hjá mér og svo auðvitað Árna Viggó og Nínu , Sigurjón og Signýju (annars sást hún nú frekar lítið ) . Við fórum til Akureyrar og sáum íbúðina þeirra Árna Viggós og Nínu, hún verður mjög fín þegar málningarrúllan og tuskan hafa svifið yfir.Jæja best að fara að koma sér til vinnu. Látið í ykkur heyra. það þarf ekki að vera merkilegt.Ykkar Dísamamma

Ég er mætt aftur !

2007-04-03T19:36:00.000Z

Jæja góða kvöldið.

Nú hefur elskulegur frændi minn, Ísak Sigurjón, orðið þess valdandi að ég get á ný skrifað hér pistla. Ég geri mér grein fyrir því að þið ráðið ykkur vart fyrir kæti. Nú er markmiðið að skrifa oftar, eða í það minnsta jafnoft, og hún móðir mín. :)

Við brugðum undir okkur betri fætinum um helgina og fórum í Skagafjörðinn. Það var ágætt, alltaf gott að hitta ömmu, afa og aðra fjölskyldumeðlimi. Það er samt alltaf best að koma heim aftur og hér ætlum við að sitja sem fastast yfir páskana.

Í dag á hún Sunneva min afmæli, hún er víst orðin 7 ára þó ótrúlegt megi virðast. Reyndar finnst mér enn ótrúlegra að Kristófer (litla barnið mitt) byrji í skóla á næsta ári. Ég er strax komin með í magann yfir því. Ég er, eðli málsins samkvæmt, búin að vera með u.þ.b. 10 6-7 ára stelpukindur hér í afmælisveislu í dag. Það var ekki gaman. Það er alveg með ólíkindum hvað sum börn geta verið óþolandi leiðinleg. Sem betur fer ekki öll, bara sum.

Ég frétti það fyrir norðan að nokkurrar öfundar hefði gætt meðal annarra afleggjara langömmu og langafa vegna hins frábæra teitis okkar um daginn. Upp hafa komið hugmyndir um stærri, ja eða fjölmennari, teiti. Hvernig líst ykkur á það ?

Hafið það gott í fríinu, kossar og knús úr Verahvergi.

Hann á afmæli í dag !!!!

2007-03-30T23:47:00.000Z

Elsku Ísak minn til hamingju með daginn, elsku kúturinn minn,hélt að ég væri að bulla eitthvað áðan en það virðist ekki hafa skilað sér einhverra hluta vegna,( kannski vegna óhóflegrar rauðs drykkju ) en s.s. vona að allur minn ættbálkur hafi það sem allra best , elska ykkur öll bara aðeins mismikið eftir því hvort þið komuð útúr mér eða ekki, og þá meina ég ekki út um munninn alla vega ekki þann efri ( er ekki stundum talað um varir þarna þið vitið ) jæja nóg af þessu bulli .Ykkar Dísamamma

2007-03-29T21:10:00.000Z

Hæ er að prófa hvort þetta dæmi sé eki í lagi

Komin heim

2007-03-25T21:02:00.000Z

Hæ elskur, þá er ég komin heim eftir ferðina í höfuðborgina. Ég naut samvista við 2 orma um helgina og er þess vegna full af orku. Það er svo yndislegt að vera með þessar elskur. Mikið ofsalega hlakka ég til að vera nær þeim, og geta heimsótt þau og þau heimsótt mig. Vona að þetta hafi verið jafngóð helgi hjá ykkur og þið hafið skemmt ykkur vel í Hveró.Ég segi eins og pabbi það er svo gott að þið haldið hópinn svona vel, ég held að það eigi eftir að koma ykkur til góða seinna í lífinu, þegar eitthvað bjátar á, sem ég reikna með að eigi eftir að gera hjá okkur eins og öðrum.Hafið það sem best elskur, Dísamamma

Fellstúnið

2007-03-19T21:19:00.000Z

Sæl öll
Nú erum við búin að selja Fellstúnið, en það góða er, að það helst innan fjölskyldu Sigurjóns því Helgi Rafn Viggósson keypti slotið. Og er ég ákaflega ánægð með það, því ég veit að þau hugsa vel um garðinn og ef ekki þau þá verður Rannveig örugglega með puttana þar.Getur verið að ég renni suður á föstudag eða laugardag til að njóta samvista við barnabörnin mín, þ.e.a.s. ef veður og færi verður gott.Ætla aðeins að sjá til. Vona að þið skemmtið ykkur vel um helgina og gangið hægt um gleðinnar dyr, og gerið ekkert sem ég myndi ekki gera. Líst vel á þá hugmynd að hittast í vor eða sumar og þá jafnvel ömmur, afar, börn og barnabörn.Hafið það sem best elskur. Dísamamma.

3. árið loksins búið

2007-03-19T18:49:00.000Z

Fyrst að Dísa vill fá fréttir af okkur á þessum miðli kemur hér ein stórfrétt. Mér hefur loksins tekist að ljúka 3. árinu í læknisfræði. Ég get því skemmt mér með Höbbðingjum Borgarinnar um næstu helgi og skroppið til Tælands með góðri samvisku.

Húrra fyrir mér ;)

Ég fer kannski til Skagafjarðar á morgun og hlakka þá til að hitta þá sem þar eru og svo hlakka ég auðvitað til að hitta alla um næstu helgi.

Egócentrískur fréttaflutningur

2007-03-18T20:41:00.000Z

Mér datt í hug að taka Dísu á orðinu og skrifa einhvern þvætting um hvaða stefnu mitt líf hefur tekið...

Ef mér tekst ekki að klúðra málunum þeim mun betur, er ég á mínu síðasta misseri í B.Sc. náminu og ætla mér að vinna í 1-2 ár áður en ég held til Baunverjalands í M.Sc. nám. Meiningin er að kenna á framhaldsskólastigi þessi ár, norðan heiða.

Í síðustu viku byrjaði ég á sérverkefninu mínu sem er á sviði ólífrænnar efnafræði undir handleiðslu dr. Sigurjóns N. Ólafssonar eða SNÓ eins og hann er jafnan kallaður af nemendum. Meiningin er að gera tilraun til smíði og greininga á palladíumkomplex sem til dæmis mætti kalla bis(dífenýlfosfínó)própan bis(dífenýlfosfínoxíð)dísúlfíðmetanópalladium(II) og skyldum komplexum af palladium og platínu. Þetta kann ekki að hljóma sérstaklega heillandi í allra eyrum, en er mjög spennandi þegar maður hefur verið að hrærast í skyldum verkefnum. Gríðarlega sæta og sjarmerandi mynd af téðum komplex má sjá hér að neðan. Með því einu að smella músarhnappinum á hana örsnöggt og af innilegri sannfæringu má fá netvafrann til að opna nýjan glugga þar sem myndin sést betur. Svona er nú tæknin í dag krakkar mínir.

Þá vitið þið nokkurn veginn hvað ég er að aðhafast þessa dagana. Að lokum er náttúrulega rétt að lýsa yfir sérstakri ánægju minni með planaðan hitting með hvaða formi sem hann verður. Það er gaman að hitta ykkur ánana alla saman, við erum svo ótrúlega yndislegt fólk í þessari ætt! Bis später...

Dixi

Mitt síðasta orð um þessi mál... vonandi

2007-03-18T00:09:00.000Z

Sennilega eru allir orðinir leiðir á mér á þessu bloggi en...

Hana Hlífu systur mína langar að hitta okkur líka. Henni finnst ekki gaman að fara á fyllerí. Henni finnst ekki heldur gaman að horfa á okkur hin á fylleríi (finnst það reyndar ekkert skrýtið, erum sennilega ekki svo skemmtilega nema fyrir aðra í sama ástandi) ;). Hún vill líka gjarnan leyfa Báru snúllu að hitta okkur.

Mig langar gjarnan að hitta Kristínar snúllur og aðrar litla fjölskyldumeðlimi séu þeir í boði (smekklega orðað!). Mig langar hins vegar líka að fá mér í glas með þeim sem eru ekki svo litlir (og Signýju - hehehehe er svooooo fyndin í dag... úff púff....). Nú er ég hætt að vera ekki-fyndin...lofa.

Mér datt því eftirfarandi lausn í hug. Ef fólki líkar ekki tillagan er í góðu lagi að skjóta hana í kaf. Ég lofa að vera hætt að gráta um næstu helgi. Við hittumst í mat í fyrra fallinu, jafnvel um kaffileytið, á laugardag. Þá geta allri verið með og skemmt sér saman við að kjafta og jafnvel í leikjum ef fólk er virkilega vel stemmt eða ég fæ að ráða. Svo er geta þeir sem vilja yfirgefið samkvæmið og hinir verið góðglaðir fram eftir nóttu. Í þessu plani reikna ég með að við verðum heima hjá henni Kristínu þar sem engin mótmæli hafa heyrst.

Hvernig líst ykkur á þetta kæru frændsystkin?

(Ég kann ekki að skrifa systkin/sistkyn/sistkin/systkyn, held að ég sé lesblind.)

Kveðja, Sigurbjörg sem vill hitta alla og gera öllum til hæfis!

P.s. Er það satt sem ég heyri að Sóla og Arnar ætli að heiðra okkur með nærveru sinni?

Rok og rigning

2007-03-13T22:39:00.000Z

Sæl og blessuð öll sömul
Eða ég vona að við förum bráðum að sameinast hérna brátt - svo virðist sem við séum ekki öllsömul hér.

Jæja ég ætla nú bara að rausa um það hvað af mér er að frétta. Nú ég er náttúrulega á fullu í skólanum og það gengur bara rosalega vel, svo vel vill til að allir mínir áfangar eru símatsáfangar þannig að ég þarf ekki að taka nein lokapróf (Jáá ég hefði frekar viljað taka lokaprófin og farið til Asíu eins og einhver?!) og þess vegna verð ég búin með mína næst síðustu önn í fjölbrautarskóla þann 30. apríl 2007 og þá er bara að byrja að vinna og bíða eftir þeirri síðustu:)

Ég er núna að vinna í Hagkaup á miðvikudögum og aðra hvora helgi og er að þéna alveg hreint ágætlega. Ég sótti samt sem áður um í Landsbankanum og Kaupþingi og er að vona heitt og innilega að ég fái vinnu þar.

Jæja ég ætlaði ekki að skyggja á síðasta blogg sem öllum er skyldugt að lesa!! Vonandi getum við öll hist þessa umræddu helgi og skemmt okkur vel! Svo vill ég lýsa yfir einskærri gleði minni að móðir mín, Bryndís Helga Kristmundsdóttir, sé að flytja til okkar í sumar - það er hreint og beint yndislegt og hlýjar mér um hjartarætur. Elsku besta mamma mín:)

Jæja nóg af rausi
Signý Ósk

Meira um meintan hitting

2007-03-13T00:11:00.001Z

Eftirfarandi staðreyndir eru ljósar:

Ég kemst til að hitta skemmtilegt fólk helgina 23.-25. mars.

Kristín er svo ótrúlega heppin að geta hitt mig sömu helgi.

Árni Viggó og Nína hafa hlotið þá gæfu að geta jafnvel notið nærveru okkar frænkna.

Hjörtur hlýtur að hafa selt sál sína djöflinum því hann á möguleikann á að vera með öllum ofantöldum þessa tilteknu helgi.

Nú finnst mér að eftirlegukindurnar, þ.e. systkini mín og feðginin í Breiðholtinu, ættu að fara að láta í sér heyra. Nú og auðvitað þeir sem búa í Skagafirðinum góða hafi þeir möguleika á að sýna sín fríðu andlit.

Einnig langar mig að vita, þar sem að ég er alveg óstjórnlega forvitin, hvort að Kristín býður enn fram húsnæði sitt.

P.s. Ég er búin að fá út úr fyrra prófinu og náði því. Ekki glæsileg einkunn, en ekki fall.

hús til sölu

2007-03-09T08:59:00.000Z

Hæ elskurnar mínar, jæja þá erum við búin að setja húsið okkar á sölu, það var auglýst í Sjónhorninu í gær , svo nú bíður maður bara eftir viðbrögðum.Og svo liggur maður á netinu og skoðar íbúðir fyrir sunnan.Jæja ég ætla að skjótast til pabba og mömmu og smella þau bless ég er nefnilega að koma suður í kvöld. Veit ekki hvað ég geri mikið í heimsóknarmálum, en kannski sé ég eitthvað af ykkur.Vona að þið hafið það gott bæði fæddir, ófæddir, litlir og stórir. Bless elskur Dísamammma

Eigum við að hittast?

2007-03-07T23:12:00.000Z

Jæja þá eru prófin búin og ég er því laus úr þessu félagslega fangelsi mínu.

Hvernig væri nú að fara að plana smá stórfjölskyldu-hitting hér sunnan heiða? Mig langar alveg endilega að hitta alla svona áður en ég skelli mér (að öllum líkindum) til Tælands.

Hvaða tími hentar fólki helst? Bara svona þannig að það sé hægt að fara að hugsa um þetta mál. Ég verð reyndar eitthvað að vinna um helgar en get örugglega breytt vöktum þannig að ég komist austur fyrir fjall ef það verður upp á teningnum.

Nú er bara að vona að einhverjir séu að lesa þetta blogg ;)

101

2007-03-04T22:15:00.000Z

Hæ elskur, í dag fór ég að heimsækja konu sem er á 102 aldursári hugsið ykkur hvað hún er búin að upplifa. Og ég get sko alveg sagt ykkur að ég ber ótakmarkaða virðingu fyrir henni. Alltaf fer hún að tala um virkjanir og allt í kringum það, hún hefur sko mörgum sinnum meiri áhuga á öllu sem er í gangi í kringum okkur en ég og veit miklu meira um það en ég. Hún talar líka alltaf um að það eigi að virkja börnin í skólunum til að elda handa sér sjálf, og ég held það sé rétt hjá henni, þau gætu lært heilmikið á því.Og svo fær maður alltaf að heyra nokkur ljóð, í dag var hún að tala um einhvern sem hafði skrifað ósjálfráða skrift og úr því kom ljóð og undir því stóð nafnið Kristján Jónsson og hún er alveg viss um að það hafi verið Kristjan fjallaskáld. Hún er svo merkileg þessi kona.Hún Amma Birna.Jæja elskurnar mínar, varð bara aðeins að tjá mig um þessa merkiskonu. Hafið það sem best og gangi ykkur öllum vel, en samt alveg sérstaklega, elsku Sigurbjörg mín, vona að þér gangi vel á þriðjudaginn, ætla að hugsa mjög hlýlega til þin kl. 13:30 .Góða nótt elskur Dísamamma

Góður dagur

2007-03-03T20:39:00.000Z

Halló
Ég átti svo góðan dag í dag, fór um kl.10 í morgun í átt að ættaróðalinu,lagði bílnum hjá Ljósheimum og labbaði svo þaðan til gömlu, fékk mér kaffi þar og labbaði svo um hádegisbil til Gunnu þar var mér umsvifalaust boðið í soðinn fisk sem ég þáði með þökkum. Þar hitti ég Þorgeir, Hjört og Ragnheiði og auðvitað húsbændur. Þegar máltíðinni var lokið rölti ég til Heibu og þar hitti ég Þorgeir aftur, auk Sigurbjargar og húsbænda, drakk fullt af kaffi og borðaði nammi. Þá lá leið mín aftur ufrum ásamt Gunnu, Hirti og Ragnheiði og þar drakk ég meira kaffi og borðaði rúgbrauð með síld og þar sem ég sit hér, tek ég afleiðingunum af því. Nú.... svo lá leið mín aftur til Gunnu sem hafði fyrr um daginn boðið mér í kvöldmat, ekta íslenska kjötsúpu, sem ég að sjálfsögðu þáði með þökkum, og að þeirri máltíð lokinni rölti ég upp að Ljósheimum , settist upp í bílinn og ók sem leið lá heim í Kotið.Nú er ég búin að ákveða að flytja suður í sumar,bara svo þið vitið það.Vona að fólk syðra hafi það almennt gott og sé búið að jafna sig eftir atburði liðinnar nætur, en ég frétti að þeir þ.e. atburðirnir, hafi verið af ýmsum toga spunnir !!!!! Marri minn maður bara gerir ekki svona !! Og ungfrú S svona gerir maður ekki heldur.Jæja elskur læt í mér heyra mjög fljótlega og langar líka að heyra af ykkur.Ást, ást Dísamammma

Halló

2007-03-02T22:16:00.000Z

af hverju gengur þetta ekki hjá mér, getiði sagt mér það ?

Dísamamma mætt á svæðið

2007-03-02T17:06:00.000Z

Halló jæja þá er ég mætt aftur og ætla að vera voða dugleg að tjá mig, en hvað um ykkur ?

Jamm og jæja

2006-12-27T23:18:00.000Z

Hér sit ég, svellspikaður og kampakátur, barmafullur af rauðrunnatei og konfekti, með smeðjulegt helgislepjubros á vör og hugsa til ykkar ættingjaómyndanna minna. Ég hefi nú þegar haft nokkur afskipti af allnokkrum skyldmennum; var svo bráðheppinn að fá Gunnufólk, náttúru- og sorglega að Þorgeiri og fylgifiskum undanskildum, hingað í efra Borgargerðið í skætingu (skæting, n. kvk.; sá verknaður að snæða skötu sbr. Svartdælasögu: "...höfðu þeir þá setið að skætingu tvö dægur og var orðið bumbult nokkuð..."). Verst þykir mér að hafa ekki njósnað með nokkru skynfæri merki um Dísu mína og hennar flokk (mér þótti það reyndar sérstaklega sorglegt að hún Signý Ósk skildi missa af skötuveislunni því ég veit að henni þykir jafn vænt og mér um þessi grísku stórfjölskylduboð), en það þýðir lítið (og þíðir enn minna) að fást um slíkt. Auk þess hefi ég lúmskan grun um að mér muni gefast tækifæri á að kvelja þær mæðgur með einhverjum hætti á næstu dögum, því mér skilst að þær hafi sagt skilið við syndugt Suðurlandið.

Það er varla vænna að geyma það að óska þeim, sem í prófum hafa staðið, til hamingju með próflokin og ykkur öllum gleðilegra jóla og farsældar á komandi ári. Okkur ömmu sýnist að sólin sé tekin að hækka nokkuð og bíðum spennt eftir degi sem er nógu heiðskír til að sjá megi sólarkvikindið sjálft í stað aums endurkasts af skömmustulegum skýjum í suðri.

Amma og afi snæddu kvöldverð hjá okkur á aðfangadagskvöld og var ekki annað að sjá en að þeim líkaði það ágætlega. Mér tókst ekki að ná mynd af þeim, með þau bæði sæmilega eðlileg á svipinn, en læt þó fylgja hérna eina mynd þar sem afi er í hrókasamræðum við pabba og ekki nokkur leið að fá hann til að horfa í áttina að myndavélinni. Þið kannist svo sem öll við hvernig þetta er! Ég hef varið tíma mínum hér norðan heiða að nokkru leyti hjá þeim gömlu og líkar vel, bæði mér og þeim að ég held. Þau basla bæði með kvef en eru þó hress á lundina sem miklu skiptir.

En nú er þetta að verða hálfgerð ritgerð hjá mér svo ég hugsa að ég láti staðar numið að sinni. Nú er að hefjast nýtt ár innan skamms og geri ég hér með að tillögu minni að við keppumst öll við að vera dugleg að skrifa hér. Sjálfur hef ég verið ákaflega óduglegur hingað til, en hef hug á að bæta það.

Gleðilega sólstöðuhátíð!

Dixi

Má ekki dautt verða.

2006-11-12T15:21:00.000Z

Hvur andskotinn!!!!!!!!!!!!!!!!

2006-11-11T20:06:00.000Z

Ja komið þið sælir kæru ættingjar nær og fjær!

Nei Sigurbjörg nei! Við ekki deyja hér og hananú!

Loksins þegar minn afturendi leyfir mér að sitja í þar til gerðum stól nokkra tíma á dag og ætla mér að vera í samskiptum við mína elskulegu ættingja sé ég mér til hrellingar að enginn er lengur að nota þetta blogg. Þetta gengur ekki, við skulum nú vera í sambandi svona, allavega hringi ég aldrei í neinn, þannig að mér finnst þetta er skárra en ekki neitt. MSN ið finnst mér reyndar fínn samskiptamáti, en það er önnur saga.
Nú, fréttir úr gulum kofa: Hér stækkar Katrín Sif og dafnar, hress og kát og YYYYYYNDISLEGA MJÚK. Maður verður að njóta þessarar ungbarnamjúku meðan hún varir. Nú, Sunna stækkar líka, er bráðum að ná mömmu sinni í stærð (enda þarf svosem ekki mikið til). Henni gengur vel í skólanum og utan hans er þéttskipuð dagskrá tómstunda: Sund, skátar, kór, freestyle dans og kannski fleira....
Engum finnst gaman að frétta af gömlu hrukkóttu fólki eins og okkur Arnari þannig að það er best að skrifa sem minnst, en við erum eins og við má búast!!! En við vorum að setja húsið á sölu og nú er að koma í okkur nettur taugatitringur vegna væntanlegra flutninga. Þetta virtist allt svo langt inni í framtíðinni, en er nú allt í einu að skella á eftir mjög svo stuttan tíma.

Jæja, ætla að hætta þessu röfli, en gaman væri að fá smá fréttir af ykkur hinum, sérstaklega Sigurbjörgu og Ísaki sem ég hitti svo asskoti sjaldan. Elskur gefið mér skýrslu!!!

Bless í bili, Sólmundur

ps. ÉG ER BRJÁLUÐ, BRJÁLUÐ ÚT AF FRÉTTUNUM AF ÁRÁS ÍSRAELSMANNA Á PALESTÍNU NÚNA NÝVERIÐ. KONUR OG BÖRN. SÁUÐ ÞIÐ FRÉTTIRNAR???
AF HVERJU GETUR MAÐUR EKKI GERT NEITT??

Hallóóóóó! Er einhver hér?

2006-11-08T11:24:00.000Z

Ef einhver kemur einhvertíman hingað væri æskilegt að sá hinn sami kvittaði í "athugasemdir". Annars ætla ég að gefa út dánarvottorð fyrir þetta blogg.

Kveðja, Gribban.

Það er bara komið sumar

2006-07-05T11:41:00.000Z

Ég var á Krít í viku og náði mér í kafara-skírteini og slatta af sólarexemi. Við Frikki ákváðum semsagt að eyða fyrstu þremur dögunum í lærdóm, bæði í formi fyrirlestra og verklegs náms í sundlaug og á hafsbotni. Mjög svo skemmtilegt og gerir okkur mögulegt að kafa út um allan heim. Daginn eftir námskeiðið keyptum við eina auka köfun á svolítið öðrum stað og vorum niðri á 14-15 metra dýpi í tæpar 50 mín. Vorum pínu svekkt með sjávarlífið en sáum þó skeljar (lifandi altso), humra, ála, ígulker og svo auðvitað slatta af fiskum og sjávargróður. Svo er mjög gaman að upplifa tilfinninguna að vera svona langt undir yfirborðinu.

Í þá tvo heilu daga sem eftir voru keyrðum við um vesturhluta eyjarinnar og sáum allt aðra Krít en boðið er uppá í Platanias, öðru nafni litlu Skandinavíu. Fjallvegirnir á Krít eru hlykkjóttari en slanga og beygjurnar yfirleitt u-beygjur eða rúmlega það. Þar að auki er þeir oft á tíðum mjög mjóir, eiginlega ekki nema einbreiðir. Samt er alltaf lína til að skipta veginum í tvær akreinar, jafnvel þó það sé ómögulegt að komast fyrir á þeim nema á mótorhjóli.

Til að svíkja nú ekki alveg lit sem týpískur íslensku túristi fórum við líka í vatnsrennibrautagarð (skemmtum okkur mjög vel í barnabrautnunum) og lágum hálfan dag á ströndinni.

Skelli inn myndum við tækifæri.

Fyrirspurn

2006-05-05T16:58:00.000Z

Hvernig er þetta með mömmurnar og pabbana í hópnum - hvar eru nýjar myndir af ungunum ykkar? Ég finn alltaf bara þessar sömu gömlu.

Annað mál: Ég er að fara vinna á "hjúkkuvakt" um helgina. Verða alein og á að vera gáfuð. Vonum bara að það reddist. Allir verða að hugsa vel til mín. Ef einhver kann að hrækja á eftir mér eins og amma Hlíf gerir má sá hinn sami gera það.

Aldrei aftur í skólann!!!!!!

2006-05-03T12:49:00.000Z

Komið þið sæl, ef einhver eruð sem lesa þetta.

Jæja nú er svo komið að ég þarf ekki að mæta í fleiri kennslustundir í þessum blessaða skóla sem hét áður Vélskóli Íslands en heitir nú Fjöltækniskóli Íslands og er á hraðri leið til helvítis. Þetta er vissulega mjög góð tilfinning og ég er viss um að ég á ekki eftir að sakna þess að sitja kennslustundir hjá uppþornuðun reglugerðartréhestum sem hafa engan húmor og geta ekki leyft sér að stökkva bros í viðurvist nemenda. Svo ég haldi nú áfram með skoðanir mínar á þessari stofun. Eins og flest ykkar vita þá er ég að útskrifast núna í maí, mjög gott mál það, nema að kostnaðurinn í kringum það er stjarnfræðilegur fyrir mann sem skítur ekki peningum. Jú við þurfum að fara í myndatöku og hún kostar litlar 3500 kr sem við borgum sjálfir, samt fáum við ekki eina passamynd eða neitt fyrir þennan pening. Ef við viljum svo fá útskriftarspjald á A4 blaði með mynd af okkur öllum kostar það ekki nema 5000 kr í viðbót. Hvað borgar svo helvítis skólastjórinn af þessu? Ekki neitt, nema fyrir spjaldið sem hann hengir upp í skólanum. Þannig að við borgum strangt til tekið fyrir myndina sem hann hengir upp í skólanum. Okkur fannst þetta eðlilega frekar blóðugt þannig við fórum á fund til að ræða við skólameistara. Hann fullyrti nú fyrst að þetta kostaði allt saman í mesta lagi 5000 kr en þegar okkur hafði tekist að sannfæra hann um hið rétta sagði hann að við gætum bara sleppt þessu ef okkur fyndist þetta svona dýrt!! Þvílíkt fífl! Honum er semsagt nákvæmlega sama hvort til eru útkriftarmyndir af þeim sem klára þennan helvítis Fjöltækniskóla og ef nemendur eru ekki til í að borga brúsan sjálfir eiga þeir bara að sleppa þessu. Og svo er annað, það var fyrir hreina tilviljun að einn okkar ranglaði inn í P. Eyfield og komst að því að við yrðum að panta okkur stúdentshúfurnar fyrir mánaðarmótin ef við vildum fá þær fyrir útskriftina. Þetta gerðist 28. maí þannig við höfðum 1 dag til stefnu. Mér fannst þetta frekar skrítið allt saman og minntist á þetta við skrifstofudömuna og mér skildist á henni að hún hefði bara gleymt að láta okkur vita. Hvað er í gangi?? Þessi svokallaði skóli er greinilega hættur að snúast um nemendur og að útskrifa þá og einvörðungu farinn að snúast um peninga og aftur peninga. Ég þakka fyrir ef ég verð ekki rukkaður inn á eigin útskrift! Jæja nóg um þetta, blóðþrýstingurinn er kominn upp úr öllu valdi.
Annars er bara allt gott að frétt af okkur skötuhjúum, ykkur sem ég er ekki búinn að bjóða í útskriftarveislu að kveldi 20. maí bíð ég hér með. Við förum svo til Mexíkó 24. maí í 2 vikur.

Bið að heilsa í bili
Vigg

Dagurinn í dag

2006-04-30T21:47:00.000Z

Hæ,hæ. Dagurinn í dag var afskaplega notalegur.Vaknaði um kl.9:00, kúrði til ca.10:00, fór þá á fætur, borðaði morgunmat, fór svo út á plan með háþrýstidælu og dældi ca. 100 kg. af drullu út á götu ( hugsaði bara að gatan hlyti að verða þrifin einhverntíman, með svona bíl þið vitið ). Þegar þetta var búið fór ég auðvitað að hugsa um mat enda kl. orðin13:00, ákvað að hringja í Gunnu og Sigga og bjóða þeim í kaffi, þar sem ég átti Franska súkkulaðiköku;ógeðslegqa góð, og auðvitað þáðu þau boðið eftir svolitla umhugsun.Og þar sem ég, og reyndar Signý líka, var (vorum ????.) í pottinum þegar Gunna mín ákvað að taka mig fram yfir fermingarveislu á Akureyris, ákváðum við (Gunna altsvo) að hún tæki sundfötin sín með og þegar þau komu úðuðum við í okkur og svo fórum við í pottinn. Þetta varð að sjálfsögðu yndisleg stund og þetta á maður að gera mikið oftar, hóa 'i fólkið sitt og bara vera saman, skiptir ekki máli hvort við eigum köku eða hafragraut, það er bara svo gott að vera saman. Vona bara elskurnar mínar að þið munið það að fjölskyldan skiptir öllu máli, þó að við séum ekki á sama máli um alla hluti.Vona að ykkur gangi öllum vel í prófum og verkefnum og ritgerðum.Bið svo alveg sérstaklega að heilsa litlu krílunum,þ.e.a.s. Báru, Sunnevu og Kristófer, sem sagði við ömmu sína í gær: Æji, langar þig í mig, ég kem bráðum til þín . Ást , ást, ást að hætti Dísumömmu

Takk Sigurbjörg

2006-04-29T20:20:00.000Z

Hæ hæ góðir landsmenn og konur, Elsku Sigurbjörg mín þú átt heiður skilið fyrir að lífga Höfðingjana við.Ég átti vægast sagt dásamlega páska, fór suður í Hveró á skírdag og kom heim á 2.í páskum MEÐ UNGANA, sem var gott. Í ferðinni hitti ég mín elskulegu börn og tengdabörn og borðaði afskaplega góðan mat hjá henni Kristínu minni. Að hafa börnin hjá mér í næstum því viku var ávið ca.12 sterkar vítamín sprautur og hef ég síðan rifið mig upp fyrir allar aldir og farið í ræktina, sem ég þarf virkilega á að halda, bæði vegna andlegs og líkamlegs ástands !!!.Hér á heimilinu er allt upprifið , búið að rífa gólfefni af gangi og svefnherbergi og svo var baðherbergið tekið algjörlega í nefið, nánast búið að flísaleggja í hólf og gólf. Og hver haldið þið að eigi nú heiðurinn af allri þessari vinnu annar en hann Sigurjón minn, hann er svo duglegur. Ég veit ekki ,hvort þið hafið frétt af væntanlegum breytingum á fjölskyldumunstri, ef þannig má orða það,Sigurjón ætlar í skóla í haust í Rvík við erum búin að kaupa íbúð þar (Torfufell 31 efstahæð til vinstri),Signý ætlar að vera hjá honum og fara í Borgarholtskóla, við ætlum að leigja Fellstún 1 og ég er búin að fá inni í húsinu hennar ömmu Birnu á Freyjugötunni, svo bráðum getið þið heimsótt mig aftur á Freyjugötuna !!!.Stutt í vinnuna og stutt í ræktina.Jæja nú ætla ég að fara að hofa á Hemma Gunn. já já ég veit það fíla hann ekki allir en ég geri það ÓKEY !!!.Ég vona að þið verðið dugleg að skrifa er það ekki bara ágæt pása frá próflestri !!! Bless elskur gleymum ekki hvort öðru ást ást Dísamamma

Að vera eða ekki vera? Það er spurningin.

2006-04-28T16:08:00.000Z

Þarf að gefa út dánarvottorð á þessa síðu? Eða ætlar fólk að taka við sér og styðja hana með ráðum og dáðum til nýs lífs?

Eins og allir voru duglegir fyrst er ekkert að gerst hér núna. Vil ég benda lesendum, að því gefnu að þeir séu einhverjir, á að síðasta færsla á undan þessari er síðan 26. febrúar á þessu ári. Hvað er að frétta af öllum krílunum? Er Kristófer t.d. ennþá íþróttaálfur?

Ég er allavega á fullu í rannsóknarverkefninu mínu. Samt aldrei að vita nema maður láti sjá sig í firðinum fagra fljótlega!

Seint koma sumir en koma þó...

2006-02-26T21:05:00.000Z

Jæja gott fólk. Það er aldeilis gaman að sjá að Sólmundur minn hefur séð sér fært að rita hér nokkur orð. Vona bara að þú verðir duglegri en ég að setja hér inn pistla. Held svei mér þá að ég hafi ekki skrifað neitt síðan fyrir jól. Ég kíki nú samt reglulega.

Ég hafði einstaklega góðan gest hér um helgina. Hún Bára frænka gisti hjá okkur á föstudagskvöldið. Hún var svo elskuleg að færa Sunnevu geisladiskinn með íslensku Eurovision lögunum. Þær hlustuðu stanslaust á Sylvíu Nótt í botni í rúma 3 klukkutíma. Af minni alkunnu þolinmæði tókst mér að halda ró minni. Það var nú líka út af fyrir sig ágætis skemmtiatriði að fylgjast með þeim. Búnar að læra bæði textann og "dansinn" nokkurn veginn utan að. Þegar þær voru búnar að dressa sig upp í alltof lítil bikini minntu þær óneitanlega á tvær litlar hórur. (Ekkert illa meint. ) Ég dró bara vandlega fyrir alla glugga og forðaði mér upp. Ég vissi ekki alveg hvernig ég átti að snúa mér. Ég ákvað að treysta bara á dómgreind mér eldri og reyndari frænku, þ.e. mömmuna sem keypti diskinn og hafa gaman að þessu. Enda skemmtu sér allir konunglega. Nema kannski Kristófer sem fannst hann eitthvað afskiptur svo ég spurði stelpurnar hvort hann mætti ekki vera dansari, Sylvía Nótt var jú með tvo gæja með sér. Það reyndist ekki hægt af því að hann gat víst ekki lyft þeim upp í lokin eins og dansararnir hennar Sylvíu. Svo Kristófer hélt bara áfram að vera íþróttaálfur.

Þetta var nú meiri langlokan hjá mér, læt hana nægja í bili.

Kveðja, Kristín Rós.

Loksins, loksins Sólmundur!!!

2006-02-24T22:32:00.000Z

Bestu þakkir Issi minn frændi fyrir að hafa hjálpað mér að komast til botns í þessu bloggi. Bestu þakkir til þín líka fyrir fallegar hamingjuóskir til okkar Adda gamla. Krílið dafnar vel og er í alla staði yndislegt eins og það á kyn til (þ.e.a.s. Borgarkyn!). Tröllakrílið (Sunna Líf) er líka alltaf eins yndisleg og hennar er von og vísa. Hún er eitthvað svo stór finnst mér núna eftir að Katrín fæddist.
Jæja, nú fer semsagt að líða að því að frá mér velli speki og misgáfulegir þankar inn á þessa heimasíðu. Mest verður þó sjálfsagt um tuð og annað nöldur, en það er jú mitt sérsvið.

En kveð í bili gæskurnar mínar allar, gaman að geta loksins tengst þessu.

Kveðja, Sóla.

ps. Katrín hjalaði í fyrsta sinn í dag.

Stutt og laggott!

2006-02-23T23:47:00.000Z

Það greinilega allt í rólegheitunum á þessari síðu.

Líf mitt þessa dagana snýst um krabbamein, æðabólgur, hjartaáföll og fleira svoleiðis skemmtilegt. Bæði á stór- og smásæjum grunni. Eintóm gleði.

Frétti að hr. og frú Guðjónsson væru á leið suður um helgina. Vona að ég fái nú að sjá framan í þau.

Hjörtur besti frændi fór með mig í Bónus í dag. Það var fallega gert. Takk Hjöri minn.

Sá að Paris Hilton er hugsanlega að fara að leika Móður Theresu og bókin hans Gillzeneggers er komin út. Heimurinn hlýtur að vera að fara til fandans!

Kurteisi, Bryndís, kurteisi!

2006-02-09T22:06:00.000Z

Já sælt veri fólkið. Ég ætla að biðja þig, mamma mín, að vera ekki með þessi læti. Af mér er það að frétta að skólinn tekur um það bil allan minn frítíma um þessar mundir. Skýrslur, teikningar og annars konar verkefni eru nánast það eina sem ég hef fyrir augunum alla daga, það er að vissu leyti ágætt því þá verður dagurinn sem við höldum af stað til Mexico í útskriftarferð bara einnþá sætari og betri!! Já það er semsagt búið að ákveða að fara til Mexico í útsrkiftarferð þann 25. maí. Ég persónulega var á þeirri skoðun að fara ætti til Balí, en samnemar mínir töldu það ekki óhætt sökum geðveikra múslíma um allan heim. Ég er samt vel sáttur með þessa niðurstöðu þar sem þetta er svona "allt innifalið" ferð. Sem þýðir að allur matur og drykkur er frír. Sem aftur þýðir að maður getur verið þægilega mjúkur frá morgni til kvölds á kostnað snarbilaðra spanjóla. Prýðilegt. En burtséð frá öllu þessu er allt ljómandi gott að frétta af okkur sötuhjúum. Mig er farið að langa að komast aðeins út úr bænum og anda að mér fersku fjallalofti. Það verður þó varla af því í bráð og því neyðist ég til að halda inni í mér andanum áfram. Las áðan að Gilsnegger sé að gefa út bók, hversu gáfuleg getur hún verið? Nenni ekki meir, bless.

Eru allir að verða vitlausir ?

2006-02-08T18:20:00.000Z

Mér er bara spurn eruð þið öll orðnin múslimar eða hver andskotinn er að ykkur ?Dísa mamma

Góð helgi

2006-02-05T13:38:00.000Z

Komiði sæl öll sömul. Ég get sko sagt ykkur það að ég nenni ekki að ræða þessi djöfulsins múslima mál, finnst þetta fólk bara ekki með fullu viti, þetta var nú aldeilis gott fyrir þá að fá þetta upp í hendurnar til að geta gert allt vitlaust og helst drepið saklaust folk !!Þetta pakk ætti bara að vera heima hjá sér og hana nú !!!! En ég ætlaði að segja ykkur að við hjónin fórum ásamt fleirum þ.á.m. Heibu og Braga að sjá Fullkomið brúðkaup, á Akureyri í gærkvöldi og það var alveg meiriháttar gaman, fórum út að borða fyrst á Greifanum. Og hver haldiði svo að hafi verið gestur nr. 10000, það var hún Heiða mín Skaptadóttir, var kölluð upp á svið og fékk þennan líka fína blómvönd og eitthvað meira. Já þetta var mjög skemmtileg helgi.Ég er svona að spá í að koma kannski suður um næstu helgi, fer svolítið eftir veðri og vindum og heilsufarslegu ástandi mínu . Við hittum Árna með hárið og konu hans Heiðu á Glerártorgi, og þau báðu voða vel að heilsa öllum.Heyrumst síðar hafið það sem allra best. Dísamamma

Nú spyr ég:

2006-02-01T12:16:00.000Z

Í fyrsta lagi: Er í lagi að dagblöð í löndum þar sem meiri hluti íbúa er kristinn (eða eitthvað annað en múslimar) birti myndir af Múhameð spámanni? Meira að segja grínmyndir! Mjög sterk ísömsk hefð bannar að myndir af honum séu birtar. Höfum "við" rétt á að móðga þannig stóran hluta mannkyns?

Í öðru lagi: Ef dagblöð, í löndum þar sem stjórnvöld ritskoða ekki efni þeirra, birta slíkar myndir er þá rétt af íslömskum þjóðum að láta það bitna á stjórnvöldum þeirra landa?

Þetta er alveg örugglega verðugt umhugsunarefni. Heimurinn er sífelt að minnka og það gefur auga leið að veraldleg landamæri menningarheima austurs og vesturs eru að dofna og jafnvel hverfa.

Tjáið ykkur nú kæra frændfólk.

Gleði, gleði...

2006-01-28T13:17:00.000Z

Jæja það er best að gera sitt til að halda þessari frábæru (en mjög svo dauflegu) síðu á lífi.

Ég á að vera að læra núna. Það gengur reyndar heldur illa þar sem einbeitingin hjá mér skorar svona 0.5 á skalanum 1-10 í augnablikinu. Ekki gott mál það. Svo er ég líka lasarus sem veldur eirðarleysi og pirringi í mínum beinum. O, það er svo gott að vera fædd með þetta jafnaðargeð og alla þessa þolinmæði.

Í dag verður haldið upp á afmælið hennar elsku Báru minnar. Ég kemst ekki sökum áðurnefnds lasleika og því vex pirringurinn lógarithmískt (eða hvenig sem maður skrifar þetta). Ég held bara svei mér þá að það sé farið að kræla á Gribbunni. Tja, ekki er útlitið gott. Ég mæti nú samt í afmælismorgunkaffi hjá Boris Lyngdalovich Magnusova á morgun hvað sem tautar og raular. Og hananú!

Svona í lokin vil ég lýsa yfir vonbrigðum með það að hafa ekki fengið eina einustu mynd senda frá ykkur (tilvísun í fyrra blogg). Sniff, sniff. Gamla og gamli fá þá bara albúm með myndum af mér og Báru, við erum líka rosa sætar og það verður örugglega alveg svaka fínt ;)

Kveðja frá Myrru og Gribbunni/Sigurbjörgu bestabarni í Skeggja.

Lítil frænka

2006-01-25T09:28:00.000Z

Komiði sæl, fannst ykkur þetta ekki snjallt hjá mér, ég náði að sjálfsögðu langbesta sætinu og var með langskemmtilegasta fólkinu !!!! En að öðru máli, ég fór að sjá litlu yndislegu frænkuna okkar allra í gær, og hún er auðvitað gullfalleg , hvað annað komin af þessu fólki þ.e.a.s. þá er ég að tala um móðurættina !.Hér sit ég og horfi út um gluggann á undurfagran suðurhimin og veðrið er bara sumarblíða, það er gott að búa á Sauðárkróki. Jæja elskur heyri í ykkur seinna, ég held áfram að lata í mér heyra hvað sem þið gerið og hana nú ! Dísamamma.

Halló öll sömul

2006-01-24T00:42:00.000Z

Sælt veri fólkið. Fyrst enginn ætlar að skrifa neitt er best að ég tjái mig svolítið. Um síðustu helgi fór ég norður og var svo lánsamur að fá að sitja í hjá ástkærum bróður mínum og ekki skemmdi fyrir að ættmóðirin (Hlíf Ragnheiður) var með í för.
Ég hef svosem ekki mikið um þetta ferðalag að segja nema hversu gott þaað var að sjá barnungann minn og náttúrulega hina ættingjana sem ég hitti. Eitt fannst mér þó svo merkilegt að mér fannst það skylda mín að tilkynna það fyrir augum ykkar allra: Þar sem að ég og faðir minn vorum að koma úr vel heppnaðri ferð í kaupstaðinn, á laugardaginn síðastliðinn, rak ég augun í nokkuð merkilegt. Fyrir utan félagsheimilið Ljósheima var staðsett bifreið en enginn sjáanlegur í henni. Þess skal einnig geta að þetta var bifreið af gerðinni Toyota og er, sem ég best veit, í eigu móðursystur minnar Bryndísar og Sigurjóns. Í fyrstu datt mér sú fjarstæða í hug að hún (Bryndís) kynni að hafa ekið bifreiðinni í þetta tiltekna stæði og lagt henni þar og gengið síðan niðureftir í von um kaffidreitil hjá miskunnsömu ættfólki sínu og jafnvel kökusneið. Skyndilega áttaði ég mig eftir nokkrar vangaveltur um þetta dularfulla mál að þetta gat ekki staðist. Skýringin var auðvitað sú að með tilliti til þess að áformað var að halda þorrablót í félagsheimilinu um kvöldið hafði hún hugsað fram í tímann enda er skynsemi og mikið hyggjuvit stimpill á þessar ætt. Að sjálfsögðu hafði hún lagt sig í bílnum uppáklædd og klár í fjörið svo hún yrði fyrst inn og vel sofin til að geta enst sem lengst. Þarna má glögglega merkja kænsku minnar kæru móðursystur og mun ég hafa þetta að leiðarljósi í framtíðinni.

Takk fyrir.

Sammála

2006-01-10T09:40:00.000Z

Já Árni Viggó minn ég er sammála þér , fólk á ekki að vera að mótmæla því sem það hefur ekki hundsvit á.Ég býst nú ekki við koma í kaffi og vöfflur alveg á næstunni, en þegar ég kem verður gott að fá kaffi úr nýju vélinni.Ég fór í ræktina kl. 6:30 í morgun svo að nú er ég full af orku og er að fara að skríða í vinnuna. Bið ykkur að muna Ættarhöfðinginn á afmæli í dag. Heyri í ykkur. Dísamamma

2006-01-09T23:27:00.000Z

Sælt veri fólkið. Jæja nú er komið gamla árið liðið og nýtt tekið við, alveg hreint ótrúlegt að þetta skuli gerast á árs fresti! Skólinn er að skríða af stað eina ferðina enn og nú í síðasta sinn, a.m.k. í þessum skóla. Við Nína mín vorum á Akureyri yfir jólin og á Króknum um áramót. Höfðum það þrusugott. Við komum síðan suður 2. janúar. Um helgina gerðist það helst að við keyptum okkur loksins almennilega kaffivél, þannig að þið eruð öll velkomin í kaffi. Aldrei að vita nema þið fengjuð líka vöfflur þar sem við fengum vöfflujárn í jólagjöf frá Kristínu og Marra. Ég horfði á fréttir í kvöld og sá í þeim, mér til mikils pirrings, íslenska krakka sem ruddust inn í viðskipta-og iðnaðarráðuneytið til að mótmæla Kárahnjúkavirkjun, að ég held. Við skulum fara aðeins yfir þetta. Í fyrsta lagi þá ruddust þau fyrst inn í fjármálaráðuneytið. Halló, ef fólk ætlar að mótmæla einhverju þá er lámarkið að vita hvaða aðilar eiga að taka við mótmælunum. Í öðru lagi voru þetta 13-14 ára börn sem hafa ekki hundsvit á því sem þau voru að mótmæla. Eina ástæðan fyrir því að þau voru að þessu var sú að foreldrar þeirra öttu þeim út í þetta af því að þeir eru ekki nógu hugaðir til að gera svona nokkuð sjálfir. Í þriðja lagi hafa þessir krakkar áræðanlega aldrei komið lengra en austur á Selfoss og vestur í Borgarnes og hafa þ.a.l. ekki hugmynd um hvernig þetta land, sem verið er að eyðileggja(að þeirra mati), lítur út. Í fjórða og síðasta lagi finnst mér vera lámark að vera með baráttumál sín á hreinu þegar mótmælt er opinberlega. Fréttamaður spurði "Hverju eruð þið að mótmæla?" Börnin svöruðu "Stefnu stjórnvalda". Fréttamaður spurði "Hver er hún?" Börnin svara að bragði " Að nýta allar auðlindir landsins!"
Ég spyr nú bara hvort það sé ekki það sem á að gera við auðlindir landsins? Þ.e að nýta þær! Jú auðlindir eru vissulega til að nýta þær!! Jamm þá er ég búinn að koma þessu frá mér. Vonandi nennir einhver að lesa þessar skoðanir mínar. Ef eitthvert ykkar hefur áhuga á að koma og ræða virkjunarmál við mig þá er sá/sú hin(n) sami/sama velkomin í kaffi og vöfflur við fyrsta tækifæri.

Takk fyrir og góða nótt

Jæja,jæja elskulega frændfólk

2006-01-08T20:02:00.000Z

Getið þið, sem eftir lifið sagt mér afhverju allar þessar jarðarfarir, sem hljóta að hafa farið fram í fjölskyldunni, hafa farið svona gjörsamlega framhjá mér ?Við megum ekki láta þennan samskiptamáta detta alveg niður, það er svo gaman að heyra hvað þið elskurnar eruð að bralla þarna fyrir sunnan, og sérstaklega gaman finnst mér þegar ég sé að þið hafið verið að hittast.En allt gott að frétta héðan, við gömlu hjónin vorum í 77 ára afmæli í dag, Jón tengdó átti sem sagt afmæli.Svo er það náttúrurlega okkar gamli á þriðjudaginn, ég var að hugsa um það í dag hvað það er ótrúlegt að hann skuli vera 87 ára !!!!Þessi unglingur.Bara svo þið vitið það þá verður þorrablót í flestra okkar gömlu heimasveit 21.1. þ.e.a.s. á afmælinu hans Þorgeirs okkar.Sunneva hringdi í mig í fyrrakvöld og sagði mér að nú ætti að fara að brjóta piparkökuhúsið, og var voða spennt og vildi bara að ég skellti mér til þeirra, sagðist alveg nenna að bíða í 5 klst.Jæja elskur, geriði það veriði dugleg að láta í ykkur heyra, mér finnst það svo gaman !!! Heyrumst seinna, ég held áfram að pára einhverja vitleysu hér, Bless elskur Dísamamma

jólin eru rotuð

2006-01-06T17:49:00.000Z

jæja jæja..

Gleðilegt nýtt ár allir og takk kærlega fyrir öll þau gömlu!!
Jólin voru alveg bara hreint ágæt og já takk kærlega fyrir mig, þið sem gáfuð mér eitthvað:)
ég komst að því að það er ágætt að fá ælupest fyrir jólin, ég komst nefnilega að því að ég hef aldrei fitnað á jólunum og ég held að ástæðan sé sú að ég léttist náttúrulegaa alltaf um fullt af kílóum í pestinni..:) en já svo komu áramótin og þau voru alveg hreint ágæt.. fyrir utan einhvern pirring sem er samt óflýjanlegur þegar svona margir koma saman;) við borðuðum alveg yndislegan mat og þetta kvöld var bara mjög gott.. Íþróttaálfurinn var pínu hræddur og lítill þegar kom að flugeldunum og sofnaði í einhvernveginn stellingu sem minnti á myndina Ópið..

nú jæja svo er ég nú byrjuð í skólanum líka og fékk alveg ágæta stundatöflu, er reyndar í sögu 203 klukkan 16 til 18:( en það reddast..

Jæja ég ætlaði nú bara að láta vita af mér..

Kv Signý Ósk

Örlítið kvabb

2006-01-05T18:06:00.000Z

Ég er að reyna að gera mynda-albúm fyrir gömlu hjónin, þ.e. þessi elstu, Hlíf og Kibbus. Þetta er allt saman gott og blessað en þar sem að ég er lang mest með Báru kláru þá á ég líka flestar myndir af henni. Til þess að þetta verði nú allt saman sem allra best og ég þurfi ekki að skíra afraksturinn Báru-albúm væri ég mjög glöð ef þið senduð nokkrar vel valdar myndir til mín (sætar, fyndnar, grettnar o.s.frv) via e-mail. Mig langar ekki bara að fá myndir af börnunum (þó þau séu rosa sæt) heldur líka af 0., 1. og 2. kynslóð (að því gefnu að Amma og Afi séu 0. kynslóð).

Annars er nú lítið af mér að frétta. Skólinn er byrjaður aftur þannig að nú kemst þetta víst allt í fastar skorður. Signý er farin, Þorgeir kominn og mamma, pabbi og Ísak koma á morgun.

Til þess að koma ykkur af stað í myndunum skelli ég hérna inn einni síðan um jólin af mér og litla manninum sem ég má víst ekki gleyma ;).

Þá er víst ekki meira í bili nema bara gleðilegt ár og takk fyrir það gamla greyin mín.

Ég er alein

2006-01-02T16:44:00.000Z

Hæ elskurnar mínar ,gleðilegt ár og takk fyrir það gamla. Jæja nú eru allir farnir frá mér, meira að segja Signý fór líka suður en hún kemur nú aftur. Mikið óskaplega var gaman að hafa alla ungana sína , ég vona að við endurtökum það sem fyrst.Jæja ég heyri í ykkur seinna er eitthvað andlaus. Vona að þið hafið það gott. Dísamamma

Jólin

2005-12-23T22:21:00.000Z

Jæja elskur, á morgun eru þessi yndislegu jól, sem virðast sameina systur og styrkja fjölskyldubönd.Í dag kom Gunna mín í heimsókn og fékk sér smá kaffisopa, hún fékk að vísu ekki mikið með því sem hún gat nært sig á en hún nærði mitt smáa hjarta for the rest of the day, þ.e.a.s. þangað til að Heiba og fjölskylda komu og nú verð ég að segja ykkur smá brandara í sambandi við það: Sigurbjörg ætlaði sem sagt að koma til mín til að fá Sörur, svo að ég hugsaði með mér að það væri best að fara að setja smákökur á fat og hafa tilbúið þegar þau kæmu, nú í stuttu máli, ég fann allar mínar "sortir" nema SÖRUR,( sortirnar voru nú reyndar ekki nema ca.4) þá rann upp fyrir mér ljós, við Kristín bökuðum Sörur, og hún fékk þær allar, vegna þess að við Nína ætluðum að baka Sörur saman, Nína mín tilvonandi afmælisstelpa( HÚN Á AFMÆLI Á MORGUN SKO) hvað varð um sörubaksturinn??????. Svo að aumingaj þú Sigurbjörg mín þú fékkst engar Sörur en vonandi fórstu ekki svöng frá mér, þú mannst svo ef mamma þín þu veist !!!!!!!!!!!!!!.Mér líður voða vel núna nema jólagjöfin hans Sigurjóns míns klúðraðist aðeins, en sem betur fer er það ekki mér að kenna og bara smámál að redda því, að vísu eftir jól ern það verður bara að hafa það.En ég ætla ða reyna að baka smá Sörur fyrir afmælið hans Árna Viggós, við ætlum sem sagt að hafa smá kaffi þá, ef fólk verður almennt með heilsu , nei fólk getur bara drukkið í hófi á gamlárskvöld eða bara sleppt því alveg, nei Marri minn ég ætla ekki að drekka viskí þá, nema bara í hófi!!!!!!.Ykkur er sem sagt öllum boðið í smá kaffi á nýársdag, viljiði koma því til skila til ykkar fólks. Oh ég hlakka svo til, mér finnst svo gaman þegar við erum öll saman, verður þú hér þá Hlífa mín ?Jæja elskur, óska ykkur öllum gleðilegra jóla og alls hins besta á nyju ári. Elska ykkur öll bara misjafnlega mikið eins og áður hefur komið fram !!!!Ykkar Dísamamma

jæja þá er þetta loksins yfirstaðið:)

2005-12-22T11:07:00.000Z

sælt elsku fólk

já svo er nú mál með vexti að signý litla er barasta búin að vera með ælupest síðan á laugardaginn en dagurinn í dag lofar góðu.. þetta er búið að vera hreint helvíti á jörð skal ég segja ykkur, ég búin að eyða öllum tímanum sem ég ætlaði að vera með Árna Viggó og Nínu í ælupest.. já sum ykkar vita nú hvernig ég er þegar ég fæ þetta þannig að þetta var heldur ekkert gaman fyrir annað heimilisfólk:( nú er ég farin að hlakka ágætlega til jólanna alveg hreint en ég er að hugsa um að búa mér bara til dúkkar af öllum fjölskyldumeðlimum sem vanta og stilla þeim snyrtilega upp! Því betur fer koma amma og afi til okkar á aðfangadagskvöld, það er nú alltaf gaman að hafa þau blessunin!!!

Jæja nú ætla ég að reyna að fara að gera eitthvað fyrin hana múttu mína.. eða sko ekki endilega fyrir hana heldur það sem hún bað mig um að gera:)
Sjáumst

Halló allir...

2005-12-21T09:29:00.000Z

Jæja það er nú allt að verða tilbúið hérna hjá mér fyrir blessuð jólin. Ég nennti nú ekki að stressa mig um of á kökubakstrinum, við höfum ekkert gott af þessu hvort sem er. Bakaði nú samt skinkuhorn, varð allt í einu voða heimilisleg og gerði þrefalda uppskrift. Það ætla ég aldrei að gera aftur, hélt að þetta ætlaði engan endi að taka.

Annars er nú bara allt gott að frétta af okkur nema það að Sunneva er í Mosó og kemur ekki heim fyrr en á Þorláksmessu. Marri sem ætlaði í smá jólafrí um 15. des. er enn að vinna og tilkynnti mér það í gær að hann þyrfti því miður að vinna á Þorláksmessu líka. Ég var nú ekkert rosalega ánægð, var búin að ákveða að við ætluðum að gera eitthvað skemmtilegt með börnunum en við verðum þá bara þrjú eina ferðina enn. Það verður víst einhver að vinna fyrir heimilinu.

Kristófer er að breytast í Íþróttaálfinn. Stundum svarar hann mér t.d. ekki (sem er nú reyndar ekkert nýtt) fyrr en ég hef vit á því að kalla hann Íþróttaálf. Hann er alveg með taktana á hreinu, sveiflar höndunum til hliðar og rýkur svo af stað.

En jæja best að fara að grafa upp jólatréð.

Kveðjur, Kristín Rós.

Jólafrí hafið

2005-12-20T13:34:00.000Z

Jæja þá er loksins komið jólafrí hjá mér. Nú á bara eftir að klára það litla sem eftir er af jólagjafainnkaupum. Það ætti nú að ganga án þess að stressið hafi mikil áhrif þar sem ég hef tíma þangað til 7 annað kvöld til þess.

Ég og Ísak komum svo norður með rútunni á fimmtudaginn. Held að við hljótum að þurfa að panta stóran leigubíl til að keyra okkur á rútuna með allt draslið.

Held í þá veiku von að hann pabbi gamli verði ekki búinn með allar sörurnar sem mamma var að gera áður en ég kem. Hann hringdi í mig í gær og sagðist skammast sín mjög þar sem að hann gat ekki borðað þær jafn óðum og mamma setti kremið á. Það er því örlítil vonarglæta enn. Annars mæti ég bara til Dísu og heimta sörur.

Jæja, farin að stússast. Vil bara segja eitt enn: Ég er komin í jólafrí

konfekt

2005-12-15T19:39:00.000Z

langar bara að segja ykkur að við Nína erum að búa til konfekt, svo þið fáið ekki bara kökur ef þið komið í heimsókn.....Annars er allt gott að frétta, jólakortin fóru í póst í morgun og jólagjafakaupum næstum því lokið. Bið að heilsa ykkur í bili. Dísamamma

Ofur-blogg

2005-12-15T00:14:00.000Z

Nú eru víst alveg að koma jól sem er bæði gott og slæmt. Gott af því að þá má ég borða rosa góðan mat og fullt af honum án þess að fá samviskubit fyrr en í janúar. Slæmt af því að ég á eftir að gera rosa margt. Stress á víst að fylgja nútímajólum en ég var búin að heita því að verða aldrei stressuð yfir jólunum. Ég ætla mér að standa við það og þess vegna verða bara þær jólagjafir keyptar sem ég kemst yfir að versla í rólegheitunum. Þeir sem eiga ekki jólagjafir í þeim bunka eru bara óheppnir.

Annars er hún Amma gamla búin að vera hér hjá mér, fór reyndar í dag. Fórum til augnlæknisins gær. Ég ætla að segja tvær sögur af því ferðalagi. Sú fyrri er um "þjónustuna" og sú seinni um ástand og horfur augna Ömmu gömlu.

Saga 1: Biðum á biðstofunni í rúmlega klukkustund. Það vakti persónuleikann minn sem venjulega liggur að mestu í dvala, hana Sibbu gribbu eða Gribbuna. Hún varð mjög reið fyrir hönd Gömlu. Svo opnaði þessi ágæti augnlæknir dyrnar á höllinni sinni og bauð okkur inn.

Læknirinn sagði: "Hvað segið þið svo gott í dag?"

Sibba gribba svaraði: "Bara allt ágætt, nema við erum búnar að bíða í klukkutíma hér frammi!"

Smeðjubrosið dofnaði ekki einu sinni á lækna-gerpinu á meðan það ullaði út úr sér: "Já, ég veit."

Já, ég veit! Já, ég veit!!! Ekki afsakið eða fyrirgefiði eða mér finnst það leiðinlegt eða það er búið að vera mikið að gera í dag. Bara: "Já, ég veit." Þoli ekki svona helvítis ókurteisi. Eins og tími viðskiptavinanna skipti engu máli eða vanlíðan Ömmu gömlu og allra hinna gamlingjanna sem bíða þarna frammi tímunum saman. Sibbu gribbu langaði alveg ótæpilega að hvæsa: "Á maður þá ekki að segja fyrirgefðu?" Sigurbjörg bestabarn bældi samt Gribbuna niður til að Ömmu gömlu liði ekki meira illa. Ömmu finnst nefnilega ekki gaman þegar Gribban skammar lækninn. Það er samt augljóst að það þarf að ala lækninn betur upp. Verð samt að taka fram að að öðru leyti er læknirinn góður við Gömluna (nema hún endar allar setningar á "skiluru" sem fer í taugarnar á bæði mér og Ömmu).

Saga 2: Sennilega hafið þið samt meiri áhuga á að vita hvað augnlæknirinn sagði um augun í henni Gömlu og hér kemur það. Þrýstingurinn er orðinn betri í báðum augum. Í hærra lagi í hægra auganu, sem var skorið, og svolítið of hár í vinstra auganu, sem fékk leysigeislameðferð. Amma þarf að koma aftur hingað suður í seinnipartinn í janúar í skoðun. Sennilega á þrýstingurinn eftir að lækka meira í vinstra auganu (áhrifin af leysigeislunum eru lengi að koma að fullu) en ef hann er enn of hár ætlar læknirinn að setja meiri leyser á það strax sama dag og skoðunartíminn er. Sniðugt ekki satt. Það á semsagt að reyna að komast hjá því að skera í vinstra augað líka, sem er þó gott.

Jæja, nú hætti ég þessu blaðri. Sennilega eru líka allir löngu hættir að lesa þessa langloku hvort sem er. Ef þú ert enn að lesa þá er þessu beint til þín: Þú ert nýja uppáhaldið mitt :)

búin að baka fullt

2005-12-13T22:20:00.001Z

Jæja elskur hvernig gengur í prófum ? Vona af öllu hjarta að ykkur gangi öllum vel. Eins og þið sjálfsagt vitið öll, náði ég Nínu til mín í fyrradag frá Árna Viggó, og nú er hún alsæl hér í sveitasælunni, búin að vinna í rækjunni í 2 daga og fór með tengdó(mömmu) í konfekt gerð í kvöld , sem fram fór í vinnunni hjá mér, og mér fannst rosagaman þótt afköstin væru svo sem ekkert rosaleg ,það er bara svo gaman að gera eitthvað svona saman.Á morgun fæ ég svo aldeilis sendingu, þ,e.a.s. Árni Viggó, Signý og amma gamla, þá ætla ég að gefa stráknum mínum eitthvað gott að borða, t.d. lambahrygg eða bara eitthvað gott sem ég finn í búðinni. Og svo ætla ég að búa til ananasfromage handa honum á Þorláksmessu, sem hann getur haft með sér til Akureyris svo hann gleymi ekki alveg mömmujólum, þegar hann hefur smakkað rjúpurnar sem hann skaut.Langar enn að vita hvernig þið hagið jólum þ.e.a.s. hvar þið verðið, svo bara spyr ég af hverju eru ekki fleiri af okkar ástsælu fjölskyldu á þessu bloggi ? t.d. Heiba, Gunna, Sóla,Hjörtur,Þorgeir,MAN I .MISS YOU.Já ég á eftir að segja ykkur að ég bakaði FULLT um helgina,sörur,2 brúntertur,kúrennukökur, kurltoppa og súkkulaðibitakökur, og var ekkert smáánægð með mig þar sem ég var með einhverja andskotans magapest líka bæði upp og niður!!!!! Svo að þið sjáið að þið getið komið í kaffi til mín ef þið verið svolítið snögg.......... vegna þess að SUMIR koma heim á morgun(nefni engin nöfn og ekki einu sinni hvort þau eru í et. eða ft.)Jæja elskur vona að þið hafið það gott elska ykkur öll líka þig Ísak minn. Dísamamma

Einbúinn

2005-12-12T19:31:00.000Z

Komið þið sæl. Ætlaði bara að láta vita af mér. Ég er á fullu í lærdómi fyrir líklega erfiðasta prófið, VTÆ 202. Konan fór frá mér í gær þannig að ég er einn í kotinu og lifi á skyri og brauði. Gott mál. Eftir prófið á morgun á ég bara eftir eitt próf þ.e. íslenska 212. Ég hef nú ekki miklar áhyggjur af því og lít því þannig á próftörn sé lokið hjá mér um hádegi á morgun. Eftir íslenskuna fer ég norður og verð þar til 20. des en þá byrja ég að vinna og verð í því fram til 23. des. Þá er stefnan sett norður á Akureyri til tengdó. Jæja bið að heilsa í bili.

Takk fyrir mig...

2005-12-07T20:56:00.000Z

Ég er alsæl og södd þessa stundina. Ég á svooo ástkærann unnusta. Hann er búinn að standa hérna svo tímunum skiptir og stjana við elskuna sína. Bakaði þessa dýrindis pizzu líka. Hann er nú einu sinni að vinna við það, má alveg baka eina fyrir mig líka. Er búin að sitja á rasgatinu í dag og lesa fyrir próf. Síðast prófið mitt nodabene á þessari önn, er á föstudaginn næstkomandi. Ég vil beina orðum mínum að Ísaki, þar sem ég neyðist til að skrifa "í gegnum" Árna Viggó. Hvernig stendur á því að ég hef ekki fengið neitt aðgangsorð inn á þessa dásamlega bloggsíðu. Er ég ekki orðin löggildur meðlimur þessara ættar? Við Árni erum nú einu sinni búin að setja upp hringa. Tek það fram að þessi orð mín eru ekki sögð í neinni fýlu. Ég bíð bara róleg eftir að fá aðgangsorðið mitt, vildi bara koma þessu á framfæri :) En jæja, fer svo norður að pilla rækjur eftir helgi, undir dyggri leiðsögn tengdapabba. Verð að passa mig að mismæla mig ekki og segja "Hver ríður rækjum hér?" í staðin fyrir að segja "Hver ræður ríkjum hér?" Segi ekki meir í bili, held áfram að lesa og fer svo að sofa. Þangað til næst...sjáumst!

Kær kveðja
Nína hans Árna

Ég tóri líka

2005-12-07T12:13:00.000Z

Ég er líka á lífi þó ótrúlegt megi virðast eftir þessar ofurverzlunarferðir um síðustu helgi með foreldrum mínum. Ég hef bara engan vegin sama úthald og þau í búðarráp. Hef nú ekki þá afsökun að ég sé að læra undir próf, en ég hef samt sem áður verið að læra á Barónsstígnum. Þess vegna er ég sjaldan með nettengingu þar sem háskólinn splæsir ekki í svoleiðis fínerí í lesaðstöðu nemendna.

Fyrir þá sem ekki vita það er lessaðastaðan mín á gamalli sjúkradeild, sumir vilja meina að þetta hafi verið geðdeild, þar sem það eru enn takkar á veggjunum til að hringja á hjúkkuna og svona. Svo eru klósettin, eða réttara sagt herbergin þar sem þau eru, risa gímöld (er þetta skrifað svona, maður spyr sig) þar sem klósettið er úti í horni og leifar af baðaðstöðu sjúklinga taka megnið af plássinu. Það er því frekar draugalegt að verða ein eftir þarna á kvöldin!

Það er kominn smá jólaandi í íbúðina mína; jóladúkur á sófaborðið og svona. Svo er ég (með góðri hjálp) búin að baka/steikja það sem átti að vera laufabrauð. Það samanstendur reyndar aðallega af stórum loftbólum en smakkast samt sem áður ágætlega. Hugsa jafnvel að ég baki sörur um helgina, það gengur venjulega vel.

Jæja best að hætta þessu rugli og druslast á draugadeildina á Baró.

Er á lífi

2005-12-07T07:42:00.000Z

Jú, elskurnar mínar, ég er á lífi. Er bara svo löt að fara í tölvuna þegar ég kem heim enda búin að sita fyrir framan tölvu allan daginn. Ég bakaði tvær sortir og málaði piparkökur um helgina en núna hef ég bara mikið að gera í vinnunni og jólagjafareddingum fyrir mig og aðra ásamt því að hafa eitt heilmiklum tíma í leit að jólakortalistanum mínum sem hefur EKKI fundist!!! Gaman að því. Ég er hins vegar ólíkt Dísu frænku minni í miklu jólaskapi eins og alltaf. Bára er í sveitinni hjá ömmu sinni og afa eins og kannski flestir hér vita. Fór með þeim á sunnudaginn. Ég sakna hennar auðvitað alveg hræðilega og get ekki beðið eftir að komast sjálf norður á föstudaginn til að knúsa hana. Við verðum sem sagt öll fyrir norðan um næstu helgi og ég vonast eftir að geta séð sem flesta í ferðinni, þó ekki væri nema í mýflugumynd. Jólakveðjur Hlíf

Sorry

2005-12-06T21:40:00.001Z

-Sorry elsku Ávs, mér ferst víst ekki að tala um fyllerí þa sem ég ákvað að fá mér viskí lögg núna áðan og vita hvort ég gæti ekki hugsað mér að skrifa nokkur jólakort og viti menn ég er búin að skrifa nákvæmlega 22 jólakort til minna nánustu og bestu ættingja, þið vitið þá hvað mér finnst um ykkur ef þið fáið ekki eitt slíkt !!! Já elskur ég veit að sum ykkar eruð í prófum en sum ykkar hafið enga afsökun fyrir að láta ekki í ykkur heyra !!Þú til dæmis Hlífa mín og hvernig er með hana Sólu og hann Þorgeir eru þau ekki með í þessu líka ?Mér finnst þetta svo frábært tækifæri til að fyldjast aðeins með ykkur. Gangi ykkur svo vel áprófunum og ykkur öllum í hinu daglega lífi.Mammadísa

2005-12-06T20:47:00.000Z

Já góða kvöldið. Ég vil byrja á að benda þér á, kæra móðir, að ég hef ekki haft hér í frammi neinar fylleríslýsingar. Ég var aðeins að deila því með ykkur að ég hefði farið aðeins út á lífið.
Ég er fyllilega sammála mömmu að því leyti að lítið hefur heyrst frá fólki hér að undanförnu. Ég verð að álíta að það sé vegna anna við próflestur, nema í tilfelli Hlífu þar sem ég tel að hún sé á kafi í kökubakstri.
Annars er það að frétta að ég er búinn með þrjú próf af átta. Ég fór í kælitæknipróf í morgun og er nokkuð viss um að hafa fengið á milli 10 og 11 í því. Þar með er ég stúdent í kælitækni(ef það er þá hægt). Næst á dagskrá er hinsvegar vélfræði á fimtudaginn. Vonast til að hún gangi jafn vel og kælitæknin.
En allavega ætla að fara að snúa mér að lærdómi. Vá mörg að í einni málsgrein.

Bið að heilsa í bili.

Hvað er í gangi ?

2005-12-06T19:37:00.000Z

Hvað er þetta með ykkur elsku frændfólk, eru þið öll steindauð eða hvað.Maður heyrir hvorki hósta né stunu frá ykkur.....nema helst fylleríislýsingar hjá Árna Viggó ! Það er svo gjörsamlega laust við að ég sé í jólastuði ,svo að þið verðið ekkert hissa þó að þið fáið ekkert jolakort frá mér og minni alltaf minnkandi fjölskyldu.Hvar ætlar fólkið svo að vera um jólin, fær maður að sjá eitthvert ykkar, eða jafnvel um áramótin ?Jæja nú fæ ég tvo litla kroppa til mín á morgun og einn stóran , Kristín mín var ég ekki búin að lofa þér kjötsúpu þegar þú kæmir næst ? Þú færð hana annað kvöld .Jæja elskurnar mínar elska ykkur öll, samt aðeins mismikið eftir skyldleika við mig, ykkar Dísamamma.

Helgarpistillinn......

2005-12-05T16:30:00.000Z

Komið þið sæl og blessuð. Helgin var prýðileg hjá Árna Viggó. Scrabble og bjór á föstudaginn, matur og bjór og ball á laugardaginn, nákvæmlega ekki neitt á sunnudaginn, fyrir utan bíó um kvöldið. Já eins og þið hljótið að sjá var helgin frekar góð. Við Nína ákváðum að við ættum skilið að fá Scrabble í jólagjöf frá hvort öðru þannig að við fjárfestum í svoleiðis græju. Prófuðum hana um kvöldið. Kom í ljós að spilið er meingallað því Nína sigraði mig. Það er eitthvað sem á ekki að geta gerst þannig spilið hlýtur að vera gallað eða Nína göldrótt. Laugardeginum eyddum við í lærdóm og hitt og annað. Um kvöldið fórum við síðan í hálfgert jólahlaðborð hjá eigendum Wilsons pizza, sem ég er einmitt að vinna hjá. Það var þrusufínt, nóg að borða og drekka. Kíktum svo á ball á Broadway, ég veit ekki alveg hverjir voru að spila en held það hafi verið Á móti sól. Fórum þaðan heim að sofa. Á sunnudaginn kíktu systur Nínu í heimsókn og af því tilefni bakaði ég pönnukökur sem runnu ofan í mannskapinn eins og heitar lummur, eða eitthvað svoleiðis. Fórum síðan að sjá Harry Potter um kvöldið. Hún er helvíti góð og hvet ég alla til að sjá hana. Dagurinn í dag hefur svo farið í að læra fyrir kælitækniprófið sem ég fer í á morgunn.
_______________________________
Þetta er Árni Viggó sem talar úr Skipholtinu, verið þið sæl.

einsemdin

2005-12-05T00:28:00.000Z

Gott kvöld

Hvursslags eiginlega er þetta?
Mamma mín kær er eini virki bloggarinn:) stolt af yndinu mínu
jæja allavega.. prófin eru byrjuð, búin að fara í félagsfræði og íslenskan er á morgun.
Ég er alveg einstaklega einmana núna og satt best að segja fremur þreytt.
Gaman að segja frá því að bíllinn minn hann Skapti er í viðgerð og fæ ég hann afhentan næstum "as good as new" í lok vikunnar.
Seinasta prófið er á mánudaginn og þegar það er búið verður brunað suður á bóginn í leit að ættmennum:)

jæja ég ætla að leggja mig
Góða nótt
Signý Ósk

Komin heim

2005-12-04T17:48:00.000Z

Jæja nú er ég loksins komin heim , var ekki nema 5- 6 tíma á leiðinni ! En það gekk allt mjög vel og ég naut samvista við elskurnar mínar í Hveragerði til fullnustu um helgina.að ykkur gangi vel í prófum þið sem standið í þeim, og allir hafi það gott. Dísa mamma

Takk elskur

2005-12-01T21:35:00.000Z

Takk elskurnar mínar fyrir að leyfa gömlu druslunni að vera með, mér finnst þetta dásamlegt að geta "heyrt" í ykkur öllum, og líka að sjá hvað þið eruð dugleg að hafa samband ykkar á milli. Þið eigið örugglega eftir að "heyra" frá mér á þessari síðu. þetta er frábært framtak !!

Bara til að vera með

2005-12-01T10:15:00.000Z

Mér finnst ég aldrei hafa neitt nógu merkilegt til að skrifa hér inn. Get þó sagt ykkur að ég hnoðaði í piparkökudeig í gær og ætla að baka þær þegar ég kem heim í dag. Allt á réttri leið fyrir jólin!

Get líka sagt ykkur eina sögu af Báru. Hún kom heim úr leikskólanum í vikunni og sagði mér að mamma vinkonu hennar hefði sagt að þegar tveir fullorðnir lægju hvor ofan á öðrum væri það fullorðinsleikur. Bára var alveg ægilega hneiksluð á þess og fannst þetta vera hin mesta firra. Ég spurði hana hvað þetta væri þá og hún leit á mig eins og ég væri kjáni og sagði mér að þetta væri auðvitað bara hnoð. Sem sagt fyrir fólk á öllum aldri. Nokkuð til í því!

Vona annars að allir séu komnir í eins mikið jólastuð og ég. Jólakveðjur af Háaleitisbrautinni

Svo lengi lærir sem lifir... eða eitthvað svoleiðis

2005-11-30T23:12:00.000Z

Ég komst að þremur áhugaverðum staðreyndum um mig á síðustu dögum:

16 ára krökkum finnst ég ekki jafn skemmtileg og Singstar. Allavega fékk ég enga athygli frá þeim í VMA sama hversu mikið ég reyndi.
Ég er samt það skemmtileg að sumt fólk mætir í kaffi til mín kl. hálf sex á morgnanna á virkum dögum, þrátt fyrir að hafa ekki verið boðið.
Ég get ennþá sest niður og lært klukkustundunum saman. Þetta er sérstaklega ánægjuleg staðreynd þar sem ég á alveg örugglega eftir að þurfa að nýta þann hæfileika mikið á næstu mánuðum

Annað markvert í fréttum er að við Ísak vorum í mat hjá Árna Viggó og Nínu. Þríréttað og alles. Humar í forrétt, saltfiskréttur í ofni í aðalrétt og ís og úrslitaþáttur Americas next top model í eftirrétt. Ekki amalegt það. Frábær matur. Takk fyrir mig krakkar :) Er samt ennþá óþægilega mikið södd; bölvuð græðgin.
Ég skal bjóða í mat næst. Kominn tími á mig.

Yfir og út...

Ótrúlega freistandi...

2005-11-29T22:08:00.000Z

Sæl öllsömul.

Ég verð að viðurkenna það að ég er alveg yfir mig hrifin af þessari síðu, hún er reyndar alveg einstaklega freistandi þegar maður á að vera að læra. Eins og t.a.m. núna. (fæ alltaf samviskubit ef ég skrifa t.d., þið kannist kannski við það ?)

Samt er ég farin að velta því fyrir mér hvort ég hafi misskilið þetta eitthvað. Átti "miðleggurinn" ekki að vera með eða ?? Mér finnst þau ekki alveg vera að standa sig í stykkinu. Ég óska hér með eftir upplýsingum um það hvað þau er að bauka.

Ég verð að segja að ég, eins og þið hin, gleðst óskaplega yfir þeim tíðindum að Hlíf(a) frænka mín skuli standa undir húsmóðurtitlinum og vera byrjuð að baka. Hún klikkar ekki á þessu stelpan.

Ég er að fara í próf á morgun og svo er ég eiginlega komin í jólafrí. Jibbí... Fer reyndar í eitt próf í næstu viku. Það er þó eins og gefur að skilja "seinnitímavandamál".

Svei mér þá ef það er ekki farið að freista mín að koma á Krókinn um áramótin. Ef þið ætlið að ráfa um götur bæjarins ofurölvi á ég erfitt með að missa af því. Gæti jafnvel skutlað ykkur. He he he. Eða ekki bara.

Jæja, best að drullast í bækurnar aftur. Kveðja, Kristín Rós.

Lok haustannar.

2005-11-29T15:45:00.000Z

Glaður og reifur gekk ungur maðurinn inn í reykingakompuna á síðasta skóladegi. Þaðan komst hann ekki út lifandi.
Þessi lýsing gæti hafa átt við mig hefði ég valið að ganga út í gegnum reykingakompuna á leið minni úr skólanum og út í hráslagalegt haustveðrið fyrr í dag. Það er mér algerlega óskiljanlegt, á þessum tímum sem við lifum, að reykingar séu enn leyfðar innan dyra í Vélskóla Íslands. Getið þið kæru frændur og frænkur útskýrt þetta fyrir mér?
Allavega er skólinn sem slíkur búinn hjá mér í bili og við taka próf. Það vakti hjá mér mikla gleðitilfinnigu að lesa það sem Hlíf skrifaði, sem comment hér einhverstaðar, um kökubakstur og kökuát. Vona að hún hafi meint það sem hún sagði um heimsendingarþjónustuna því maður má nú oft engan tíma missa í lærdómnum.

Nóg bull í bili.

Vigg

Dagur leti og synda

2005-11-28T15:54:00.000Z

Sælt veri fólkið
Svona til að byrja með þá langar mig að fá að vita hverjir koma hingað um jólin? hverjir verða til dæmis hérna þegar ástkær amma okkar á afmæli?
Gaman að segja frá því að ég er farin að hlakka til jólanna:D það verður alveg yndislega gaman hjá mér úr því að ég fæ nýju Harry Potter bókina í jólagjöf og mamma ætlar að gera tvöfalda uppskrift af fromage:) á samt eftir að sakna ykkar sem ekki verða hérna..
jæja prófin eru víst að skella á, þarf að fara að læra og gangi ykkur vel ef þið eruð að gera það sama:)
Kveðja, Signý Ósk

2005-11-27T22:10:00.000Z

Góða kvöldið.

Þetta er einvörðungu skrifað til að biðjast afsökunar á því að hafa skrifað líst með ý og dýna með í í fyrri pistli. Þetta voru mistök sem ég kem til með að reyna að koma í veg fyrir í framtíðinni.
Ég er búinn að komast að því í að sjómaðkurinn, sem talað er um í Eiríks sögu rauða, er ekkert annað en trjámaðkur sem allir heilvita Skagfirðingar þekkja. Mikið ofboðslega líður mér vel að vera búinn að koma þessu frá mér.

Takk fyrir og góða nótt.

Frábærar viðtökur!

2005-11-27T18:56:00.000Z

Til að byrja með verð ég að lýsa einstakri ánægju minni með viðtökurnar hjá ykkur greyin mín! Þetta fór langt fram úr björtustu vonum.

Svo tel ég líka við hæfi að setja inn smá frásgögn hérna um gærkvöldið, þar eð ég var svo heppinn, eins og Árni Viggó og Nína, að fá smáa manneskju í heimsókn. Hún Bára kom til mín í gær og við fórum saman heim til Robba vinar míns, þar sem hún fékk að skoða og handleika lítil kettlingakríli við mikinn fögnuð (mestmegnis af hennar hálfu).

Hún gisti svo uppí rúmi hjá mér sem varð, þótt ótrúlegt megi virðast, mér erfiðara en henni. Hún á það nefnilega til hún Bára að láta dálítið illa í svefni og ég vaknaði oft fyrir sakir þess að sparkað var í mig, ég kýldur vinalega í fésið eða tönnum gníst svoleiðis við hliðina á mér að ég hélt að höfuðið á mér myndi klofna í óhljóðunum. En engu að síður gat ég ekki verið annað en glaður þegar ég vaknaði klukkan 8 í morgun við það að gripið var utan um hálsinn á mér og sagt: "Ísak! Mig dreymdi kettlingana!". Ég held að börn séu það eina sem getur vakið mann án þess að maður verði önugur.

En þar sem ég er núna kominn með klígju yfir hvað þetta var hugljúf frásögn ætla ég að segja þetta gott að sinni. Ég vona að bloggið verði áfram jafn virkt og nú í upphafi (þó að það sé kannski dálítil bjartsýni).

Dixi

Sæl allt mitt yndislega fólk

2005-11-27T17:16:00.000Z

jæja jæja
Ég vil byrja á því að lýsa yfir velþóknun minni á þessari undurfögru síðu:)
Mér datt nú bara svona í hug að rita nokkrar línur þó svo að mér finnist nú mun skemmtilegra að lesa ykkar færslur.
Svo vildi til að ég lagði leið mína í afmælisveislu hjá henni Ragnheiði Petru í gær og viti menn, hún fór ekki að gráta þegar hún sá mig og ég held að það hafi bara læðst smá bros fram á fallega munninn:) og litla konan vinkaði Signýju frænku meira að segja bless, ég var heldur betur ánægð með sjálfa mig.

Takk fyrir mig
Signý Ósk

Frábært framtak.

2005-11-27T14:54:00.000Z

Komiði öll sæl og blessuð.

Þetta er alveg frábært hjá ykkur strákar. Ég var nú alveg jafn afhuga bloggi og Árni Viggó og Sigurbjörg en eins og þið vitið er ég mjög veikgeðja og stenst því ekki freistinguna að blanda mér í þetta.

Enda hlýtur þetta að verða mjög gott og flott þar sem svo margir af hinni rómuðu Borgarætt stinga saman nefjum (vill einmitt svo skemmtilega til að þau eru flest, ef ekki öll, mjög tignarleg).

Er alveg viss um að ættarhöbbðingjinn er ánægður með þetta framtak.

Tek undir með Ísaki ; megi dýrð ættarinnar aldrei dvína.

Kveðja, Kristín Rós.

Sælt veri fólkið!

2005-11-27T11:53:00.000Z

Einhvertíman sagði ég nú að ég ætlaði aldrei að gera þetta þ.e. að blogga. En ég stend greinilega ekki við það frekar en annað! Hef samt enga skemmtilega sögu til að segja eins og Árni Viggó þannig að það er best að ég hætti bara.
Svona í blálokin á þessu gífurlega blogg-afreki panta ég sögur hingað af nýju kynslóðinni frá þeim sem búa svo vel að eiga lítil kríli.

Dauða mínum átti ég von á......

2005-11-27T11:24:00.001Z

Jæja já. Aldrei grunaði mig að ég ætti eftir að setjast niður fyrir framan tölvuna mína og skrifa bloggfærslu. Þaðan af síður grunaði mig að ég ætti eftir að setjast niður fyrir aftan tölvuna mína og skrifa bloggfærslu. Það hef ég nú gert ykkur, kæru lesendur, vafalaust til mikillar gleði.
Mér lýst vel á þetta framtak ykkar Ísak og Hjörtur og á þetta eflaust eftir að auka hróður okkar Sjávarborgara um alla framtíð.
Mér þykir við hæfi að láta fylgja eina sögu af einum af nýrri meðlimum ættarinnar, Össa Kriss, sem við Nína vorum svo lánsöm að fá að hafa hjá okkur í nótt. Þannig var mál með vexti að pilturinn var farinn að sofa á vindsæng við hliðina á rúminu okkar. Við Nína vorum frammi að horfa á sjónvarpið og heyrðum þá að sá stutti var farinn að umla eitthvað. Ég stökk inn og sá Kristófer hvergi í fljótu bragði. Þegar betur var að gáð sá ég að hann hafði oltið fram af dínunni og undir rúmið og þar sat hann fastur. Honum fannst þetta þó ekki vera neitt sem tæki því að vakna fyrir og hélt áfram að sofa sem fastast á meðan ég sótti hann undir rúmið og setti hann upp í það.

Jæja ég ætla að hætta þessu bulli í bili.
Þangað til næst ble ble
Vigg

Þá er ég mætt

2005-11-27T11:24:00.000Z

Sæl öll

Þá kemur fyrsta bloggið mitt. Gaman að geta heyrt í ykkur öllum hér.

Úr öskunni rís dreki...

2005-11-26T03:28:00.000Z

Hér mun rísa ættarsetur afkomenda Kristmundar Bjarnasonar og Hlífar Ragnheiðar Árnadóttur á vefheimum. Megi dýrð ættarinnar aldrei dvína...

Dixi